На вуліцах Горак з'явіліся заклікі захаваць дом Гарэцкага

Горки: новости, фото, видео :: horki.info Новости Горок | 21-08-2012

Невядомыя энтузіясты развесілі на ліхтарных слупах абвесткі з тэкстам “Знішчая культурную спадчыну, мы знішчаем сябе”.

Выходзіць, хоць Міністэрства культуры і адмовілася ўключыць дом на Агранамічнай у спіс гісторыка-культурнай спадчыны, а мясцовыя ўлады вырашылі зраўняць яго з зямлёю, не ўсе з гэтым згодныя.

І гэта не дзіва. Калі паглядзець на вынікі апытання, якое праводзілася на нашым сайце, то бальшыня яго ўдзельнікаў (63,4%) выказаліся за захаванне дома Гарэцкага, а больш за палову (54%) хацелі б каля дома бачыць і помнік знакамітаму пісьменніку.

А вось якое апытанне правёў карэспандэнт Радыё “Свабода” ў Горках. На пытанні адказвалі людзі, якія праходзілі міма дома, дзе некалі жыў класік беларускай літаратуры:

Нагадаем, што з просьбай захаваць дом Гарэцкага звярнуліся сотні людзей з Горак, Віцебска і Мінска. Яны дасылалі калектыўныя звароты ў Міністэрства культуры, Магілёўскі абласны выканаўчы камітэт, а таксама ў Горацкі райвыканкам. У апошнім адказе з Мінкульту гаворыцца, што Навукова-метадычнай радай падтрымана “прапанова аб стварэнні музейнай экспазіцыі з прымяненнем прыдатных для выкарыстання элементаў будынка, прысвечанай Максіму Гарэцкаму”.

Да гэтага ў адказе з аблвыканкама паведамлялася, што “для захавання памяці аб месцы пражывання Максіма Гарэцкага будзе ўстаноўлена архітэктурна-скульптурная кампазіцыя і выканана добраўпарадкаванне прылеглай тэрыторыі” на месцы, дзе стаяў дом Гарэцкага.

Разам з тым да сёння не прынята рашэнне пра змену назвы цэнтральнай плошчы Горак. Можа, раз зносяць дом Гарэцкага, імя пісьменніка ўвекавечаць у назве плошчы?
Андрэй Бароўка

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?