Упэўнены крок да Кубка

16 сакавіка, Мінск, футбольный манеж, чвэрцьфінал Кубка Рэспублікі Беларусь, “Белшына” Бабруйск – “Тарпеда-БелАЗ” Жодзіна – 1:4. Галы: 45 хв., Чэлядзінскі – 0:1; 56 хв., Дзм. Платонаў – 0:2; 58 хв., Дзм. Платонаў – 0:3; 68 хв., Гардзейчук – 1:3; 74 хв., Лявіцкі – 1:4.

“Тарпеда-БелаЗ”: Чэсноўскі, Чэлядзінскі, Чэрэднічэнка, Панкавец, Сучкоў (71 хв., Ерхан), Глеб (68 хв., Яцкевіч), Лявіцкі, Шчэгрыковіч, Хагуш, Васькоў, Дзм. Платонаў (82 хв., Гомза).

Вось і стартаваў новы футбольны сезон, якога так доўга чакалі заўзятары. А пачаўся ён з кубкавай гульні, дзе аўтазаводцы лёсам жэрабя з’яўляліся гасцямі. Месцам матча спачатку прагназаваўся Жлобін, але камісія АБФФ не прыняла гэты стадыён і ў якасці альтэрнатывы было прапанавана штучнае футбольнае поле, якое належыць ФК “Мінск”. На жаль, на гэтым хвалюючыя пературбацыі не скончыліся. З-за снежнай стыхіі за суткі да стартавага свістка сустрэчу перанеслі пад дах у футбольны манеж і на значна больш позні час – 20.15. Безумоўна, гэта прынесла шмат непрыемнасцей прыхільнікам аўтазаводцаў, бо транспартныя складанасці сталі ў суботу вялізарнай перашкодай для ўсёй Беларусі. Але, калі каманды выйшлі на поле, па падтрымцы магло здацца, што гульня праходзіць у Жодзіне. Большасць тых, хто прыйшоў на матч, была на “чорна-белым” баку.

Першая палова сустрэчы выдалася даволі беднай на небяспечныя моманты, на што паўплывала адразу некалькі фактараў. Па-першае, гэта прыстасоўванне гульцоў да асаблівасцяў дзеянняў у манежы, па-другое, вельмі позні час і, мабыць, самае галоўнае – кубкавы характар. Футбалісты цудоўна разумелі важнасць кожнай памылкі, і ад гэтага іх колькасць толькі павялічвалася. Жодзінцы прыбралі да сябе ініцыятыву, але белшынаўцы адказвалі даволі вострымі контрвыпадамі. Некалькі разоў заўзятарам тарпедаўцаў прыйшлося хапацца за сэрца. А вось апошняя хвіліна перад перапынкам прынесла радасць. Вуглавы выканаў Сучкоў, а Чэлядзінскі галавой пераправіў мяч у сетку. Так званы “гол у раздзявальню” дадаў аўтазаводцам упэўненасці і павінен быў зняць з іх “аковы”.

Другі тайм аказаўся значна больш багатым на галы і, што самае прыемнае – на жодзінскія. Найбольш слабым месцам аўтазаводцаў у мінулым сезоне з’яўлялася атака, і вось Ігар Крыушэнка, мабыць, часткова ўжо вырашыў праблему. Дзмітрый Платонаў, які ў стартавым складзе аказаўся адзіным нападаючым, за тры хвіліны забіў двойчы. Спачатку ён замкнуў галавой навес са штрафнога ў выкананні Вячаслава Глеба, а неўзабаве, адпраўлены Сучковым у прарыў, выйшаў сам-на-сам з галкіперам і забіў мяч у вароты. Праз некалькі хвілін Васькоў мог расставіць усе кропкі над і, але мяч з лініі варот выбіў абаронца бабруйчан. Намінальныя гаспадары, нягледзячы на такі адчувальны ўдар, здолелі дастойна адказаць забітым мячом. Толькі вось тарпедаўцаў, якія адчулі смак гульні, было ўжо не спыніць. Артур Лявіцкі філігранна выканаў штрафны ўдар і прымусіў галкіпера Кавалеўскага капітуляваць у чацвёрты раз.

У апошнія хвіліны аўтазаводцы мелі больш шансаў забіць яшчэ адзін гол, чым бабруйчане паменшыць адставанне. Радасць ад выхада ў паўфінал Кубка каманда раздзяліла з найбольш адданымі прыхільнікамі.

А ў панядзелак у Мінску адбылася жэраб’ёўка, і ў паўфінале “Тарпеда-БелАЗ” сустрэнецца з

Сяргей Пузанкевіч

При использовании материалов с сайта ссылка на источник www.zhodinonews.by