У “Асілку” адбыўся міжнародны турнір па міні-футболу сярод ветэранаў

З 22 па 25 лістапада на базе фізкультурна-аздараўленчага комплекса “Асілак” праходзіў міжнародны турнір па міні-футболу сярод ветэранаў. Трэба адзначыць, што гэтыя спаборніцтвы даўно сталі традыцыйнымі, і старыя добрыя сябры-сапернікі сустрэліся на беларускай зямлі ўжо ў дзявяты раз. На гэты раз у госці да жодзінцаў прыехалі каманды літоўскіх Панявежыса і Кедайняя, а таксама расійскіх Мыцішч.

Гаспадары былі прадстаўлены адразу трыма калектывамі; дзве каманды ад клуба ветэранаў “Тарпеда” і яшчэ адна – ААТ “БелАЗ”. Спачатку адбыліся гульні ў двух падгрупах, вось іх вынікі:

1. Экранас Панявежыс (супраць Тарпеда Жодзіна – 1:4,Ветэран Жодзіна – 0:10), мячы: 1-14,  0 ачкоў, 3 месца.

2. Тарпеда Жодзіна (супраць Экранас Панявежыс – 4:1,Ветэран Жодзіна – 3:5), мячы: 7-6, 3 ачкi, 2 месца.

3. Ветэран Жодзіна (супраць Экранас Панявежыс – 10:0, Ветэран Жодзіна – 5:3), мячы: 15-3, 6 ачкоў, 1 месца.

1.   Мыцішчы (супраць БелАЗ Жодзіна – 9:1,Нявежыс Кедайняй – 6:5), мячы: 15-6,  6 ачкоу, 1 месца.

2.   БелАЗ Жодзіна (супраць Мыцішчы – 1:9,Нявежыс Кедайняй – 6:11), мячы: 7-20,  0 ачкоў, 3 месца.

3.   Нявежыс Кедайняй (супраць Мыцішчы – 5:6,БелАЗ Жодзіна – 11:6), мячы: 16:12,  3 ачкоў, 2 месца.

1-ы намеснік старшыні гарвыканкама Ю.А.Шарый, начальнік АФКСіТ П.Ф.Чыжоў, старшыня клуба ветэранаў “Тарпеда” А.П.Курбанаў.

А пасля адбыліся стыкавыя гульні. За пятае месца змагаліся белазаўцы і госці з Панявежыса. Асноўны час не вызначыў пераможцу – 5:5. Пенальці дакладней прабілі футбалісты “Экранаса” Бронзавыя медалі атрымалі гаспадары з “Тарпеда”, якія таксама па пенальці 1:2 перамаглі літоўскі “Нявежыс”. У галоўным матчы турніра завязалася ўпартая барацьба, фартуна павярнулася тварам да каманды падмаскоўных Мыцішч, якія з мінімальнай перавагай 4:3 аказаліся мацней за жодзінскі “Ветэран”.

Акрамя камандных прызоў, за якія асаблівая па-дзяка спорткамітэту Жодзінскага гарвыканкама, былі вызначаны і індывідуальныя: лепшы галкіпер – Васілій Машарскі (“Тарпеда”), лепшы абаронца – Віталь Кушалеў (“Тарпеда”), лепшы нападаючы – Дзмітрый Падрэз (“Ветэран”), лепшы бамбардзір – Марцінас Юкнявічус (“Нявежыс”), лепшы гулец – Аляксей Лакціёнаў (“Мыцішчы”).

Усе ўдзельнікі турніра і гледачы адзначылі цудоўную арганізацыю спаборніцтваў клубам ветэранаў “Тарпеда” Жодзіна (старшыня Анатоль Курбанаў), таксама хочацца падзякаваць за дапамогу ў правя-дзенні турніра кіраўніцтву ААТ “БелАЗ” і ТАА футбольны клуб “Тарпеда- БелАЗ”, ТАА “Вест”, УП “Паляна-плюс”, ТАА “Белрэмбудсервіс”, ТАА “Вітал-плюс”, УП “АльвінаТорг”, ЧУП «МiтПродаксТорг», ГП «АграПлемЭлiта».

Сяргей Пузанкевіч