Пряцяг будзе

25 лістапада, Гродна, ЦСК “Нёман”, 1500 гледачоў, суддзя – С.Цынкевіч (рф, Асіповічы), “Нёман” Гродно – “Тарпеда- БелАЗ” – 2:1. Галы: 4 хв., Хлебасолаў – 0:1; 84 хв., Лясюк – 1:1; 94 хв., Лясюк – 2:1.

“Тарпеда-БелАЗ”: Чэсноўскі, Чэлядзінскі, Яласлаўскі, Ланько (67 хв., Каршакевіч), Шчэгрыковіч, Рыжко, Салавей, Казлоў, Мендзі (80 хв., Карповіч), Хлебасолаў (82 хв., Яцкевіч), Селява.

Паражэнні бываюць рознымі, пасля адных хочацца аб усім забыць, прападае наогул жаданне глядзець футбол, а пасля іншых, нягледзячы на адмоўны лік, на душы больш станоўчых эмоцый і надзея на лепшае.

Дык вось у Гродне, на мой погляд, адбыўся другі варыянт. Толькі перамога над “Нёманам” і адначасовае паражэнне Брэста пазбаўлялі аўтазаводцаў ад удзелу ў пераходных матчах. У гэта мала хто верыў, але, зразумела, надзея памірае апошняй. Ігар Крыушэнка ў стартавым складзе правёў некалькі змен. Пару Чэлядзінскаму ў цэнтры абароны склаў Рыжко, у нападзенні з’явіўся Хлебасолаў, а на дапамогу Шчэгрыковічу і Мендзі быў накіраваны яшчэ і Селява. І ўжо першыя хвіліны прынеслі поспех жодзінцам. Прастрэл злева Салаўя з другой спробы ўдала завяршыў Хлебасолаў. І што прыемна здзівіла, на гэтым нашы землякі не супакоіліся. Гродзенцы яўна не чакалі такога націску і разгубіліся. На жаль, скарыстацца гэтым аўтазаводцы больш не здолелі. Перспектыўныя атакі не даходзілі да лагічнага завяршэння, бо падводзіла індывідуальнае майстэрства. Мендзі, Шчэгрыковіч, Рыжко мелі цудоўныя моманты, але не рэалізавалі, ды і галкіпер гаспадароў гуляў бездакорна.

Другі тайм аказаўся яшчэ больш відовішчным. Сапернікі ўзнялі сцяг адкрытага футбола і гледачам не было калі сумаваць. Нёманцы ўсімі сіламі імкнуліся вырваць перамогу, бо яна ім давала магчымасць фінішаваць на пятым месцы, за якое ім былі абяцаны дадатковыя бонусы. Тарпедаўцам таксама не было куды адступаць. Салавей вырваўся сам-на-сам з варатаром, але прабіў міма. Удар Чэлядзінскага на лініі варот накрыў галкіпер. І тут спрацавала футбольнае правіла – не забіваеш ты, заб’юць табе. На самым фінішы матча Лясюк двойчы прымушаў лікаваць гродзенскіх заўзятараў футбола, тым самым, супрацьлеглы настрой аказаўся ў фанатаў “Тарпеда-БелАЗ”. Такім чынам, крыўднае і цалкам незаслужанае, на мой погляд, паражэнне пакінула аўтазаводцаў на апошнім месцы.

Цяпер нашу каманду чакаюць пераходныя матчы з “Гара-дзеяй” за права застацца ў вышэйшай лізе. 29 лістрапада сапернікі сустрэнуцца ў Гарадзеі, а ў нядзелю 2 снежня ў Жо-дзіне. Пачатак абодвух гульняў а 13 гадзіне.

Сяргей Пузанкевіч