Завяршэнне летняй паузы

За тыдзень “Тарпеда-БелАЗ” правёў адразу дзве таварыскія гульні. Спачатку на комплексе ўласных палёў, якія знаходзяцца ля гасцініч-нага комплекса “Світанак”, чорна-белыя прымалі “Смалявічы”. Геаграфічныя суседзі, якія зараз лідзіруюць у другім дывізіёне, маюць вельмі вялікія амбіцыі і пад кіраўніцтвам Юрыя Пунтуса мараць аб вышэйшай лізе. Таму гульня з яе прадстаўніком мела прынцыповы характар. Аўтазаводцы ж на першы план паставілі прагляд патэнцыяльных навічкоў. Вось у якім складзе выступалі нашы землякі: Парэчын (46 хв., Сцяпанаў), Яраслаўскі (46хв., Рабцаў), Алісейка, Рыжко (55 хв., Раманюк), Каршакевіч (55 хв., Пракопчык), Ціханоўскі (46 хв., Сялява), Кендыш (46 хв., Мараў), Лашанкоў (46 хв., Рэкіш), Чудноўскі (46 хв., Шалудзько), Калядка (46 хв., Васькоў), Місюк (46 хв., Вяргейчык).

Першы тайм крыху нечакана аказаўся за смаляўчанамі.Яны без азірання на аўтарытэты смела пайшлі наперад. І наша абарона пачала даваць збоі. Праўда, іх хіба што да пэўнага часу ўдавалася выпраўляць Парэчыну, але і ён двойчы аказаўся бяссільным. Пачатак другога тайма, здавалася, вярнуў усё на свае месцы. Тарпедаўцы здолелі адыграцца за тры хвіліны. Два праходы па флангу Шалудзько, два прастрэлы – і Сялява двойчы адпраўляе мяч у сетку. Толькі працягу, на жаль, не было. А вось госці здолелі вырваць перамогу за пятнаццаць хвілін да завяршэння матча. Па выніках гульні, па ранейшым адрасам былі адпраўлены Чудноўскі і Калядка.

У суботу ўжо на стадыёне “Тарпеда” аўтазаводцы прымалі мазырскую “Славію”. У нашым складзе з’явіліся яшчэ два навічкі – Кірыл Вяргейчык (1991 г. н.) з салігорскага “Шахцёра” і Дзяніс Сашчэка (1981 г. н.), якога прадстаўляць будзе залішнім. Чэсноўскі (46 хв., Парэчын), Яраслаўскі, Чэлядзінскі (46 хв., Каршакевіч), Рыжко (46 хв., Раманюк), Рабцаў (46 хв. Алісейка), Мендзі (46 хв., Рэкіш), Шчэгрыковіч (46 хв., Ланько), Сашчэка (46 хв., Кішкурна (75 хв., Мараў), Шалудзько (46 хв., Лашанкоў), Каралюк (46 хв. Місюк), Яцкевіч (46 хв., Вяргейчык).

Першая палова прайшла пры яўнай тэрытарыяльнай перавазе гаспадароў. Асаблівай вастрыні ля варот мазыран не ўзнікала, а вось госці здолелі прымусіць Чэсноўскага, хоць і з дапамогай рыкашэта, адзін раз вынімаць мяч з уласных варотаў. Ход падзей на полі не змяніў-ся і пасля перапынку. Зноў аўтазаводцы больш атакавалі, а госці адказвалі вострымі контрвыпадамі, і перад фінальным свістком яшчэ раз дабіліся поспеху: 0:2.

Безумоўна, вынікі спарынгу не самае галоўнае. Трэнерскі штаб ставіў зусім іншыя задачы. Што датычыцца навічкоў, то шанц ужо ў гэтым сезоне стаць тарпедаўцам атрымае, мабыць, толькі паўабаронца Яўген Лашанкоў.

З іншых навін клуба трэба адзначыць траўмы Кедыша і Ціханоўскага, а Васькоў вытрымаў аперацыю па выразанню апендыцыту. Карповіч ужо прыступіў да працы па індывідуальнаму плану. Што датычыцца Аляксандра Сялявы, то ён на мінулых выходных святкаваў уласнае вяселле.

А 12 жніўня “Тарпеда-БелАЗ” на сваім полі будзе прымаць гродзенскі “Неман”. Пачатак гульні а 18-й гадзіне.

Сяргей Пузанкевіч