ГЭТА – НАШАЙ ГІСТОРЫІ РАДКІ

cherven.by Новости Червеня | 05-02-2014

У пятніцу ў раённым Цэнтры культуры і адпачынку адбылася ўрачыстасць, прысвечаная 95-годдзю ўтварэння БССР і Камуністычнай партыі Беларусі.

Удзельнікі ўрачыстасці - ганаровыя грамадзяне Чэрвеньскага раёна Анатоль Усенка, Людміла Валчок і Леанід Корзун

Выступаючы на ёй, старшыня райвыканкама Іван Муха ўзгадаў асноўныя вехі развіцця краіны, назваў імёны знакамітых асоб Ігуменшчыны-Чэрвеньшчыны: навукоўцаў, мастакоў, кампазітараў, дзяржаўных дзеячаў, спартсменаў, герояў вайны і працы, розумам, талентам і стараннасцю якіх створана тое, што складае славу і гонар раёна.

– Адзначаючы гэты юбілей, мы не толькі аддаём даніну павагі нашаму гістарычнаму мінуламу і пакаленням людзей, на чыю долю выпаў нялёгкі час, але і выказваем сваю гатоўнасць захаваць і памножыць дасягнутае імі, – сказаў ён.

Член бюро раённай арганізацыі КПБ, дэпутат раённага Савета дэпутатаў, ветэран працы Анатоль Кулік у сваім выступленні выказаў удзячнасць за арганізацыю юбілейнага мерапрыемства. Ён падкрэсліў значнасць гістарычнай ролі камуністычнай партыі ў развіцці народнай гаспадаркі, яе пасляваенным аднаўленні, выхаванні моладзі, культурным будаўніцтве.

Кветкамі і сувенірамі, музычнымі падарункамі ад салістаў і калектываў устаноў культуры Чэрвеньшчыны ўшанавалі на свяце ганаровых грамадзян раёна, ветэранаў Вялікай Айчыннай вайны і працы, ардэнаносцаў.

Ігар АДАМОВІЧ. Фота аўтара

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?