Барысаўскія майстры на рэспубліканскім свяце “Александрыя збірае сяброў – 2020”

Сёлета свята “Купалле” у аграгарадку Александрыя Магілёўскай вобласці сабрала ўсіх у 11 раз і праходзіла з 11 па 12 ліпеня на маляўнічым беразе Дняпра, каля моста, які злучае паміж сабой Магілёўскую і Віцебскую вобласці. Гэта свята ўжо стала традыцыйным і святкуецца кожнае лета. На вялікіх палянах разгортваюцца рады з прысмакамі, з рамеснымі вырабамі, усталёўваецца галоўная сцэна, дзе праводзяцца тэатралізаваныя прадстаўленні і выступаюць артысты. На імправізаваных міні-пляцоўках таксама спяваюць мясцовыя калектывы – усюды весела і гучаць песні, працуюць экспазіцыйна-тэматычныя купальскія падворкі, на якіх можна навучыцца рамяству, сплесці сабе вянок, пакаштаваць мясцовых прысмакаў, прыняць удзел у конкурсах, паспяваць ды патанчыць разам з калектывамі. Пасля – гала-канцэрт і святочны салют, дыскатэка.

Творчая дэлегацыя з Барысава прыняла ўдзел у гэтым свяце ўпершыню. Барысаўскі раён на "Александрыйскім кірмашы" прадставілі майстры па: вышыўцы – Дворнік Тамара Пятроўна – кіраўнік народнага гуртка па вышыўцы “Чароўныя пяльцы” Забашавіцкага сельскага Дома культуры і Шлома Ілона Анатольеўна – дырэктар Забашавіцкага сельскага Дома культуры; кераміцы – майстар народных промыслаў (рамёстваў) Цэнтра традыцыйнай культуры г.Барысава Календа Вера Аляксандраўна, Паліноўскі Яўген Лявонцевіч – кіраўнік гуртка па кераміцы ДУК “Раённы цэнтр народнай творчасці” і ткацтву – дырэктар Цэнтра традыцыйнай культуры г.Барысава Янкоўская Алена Вячаславаўна.

Кожная з вобласцей прынала ўдзел у свяце народнага касцюма. У сумеснай імправізаванай беларускай хаце Барысаў, як і іншыя раёны Мінскай вобласці, прадставіў свой традыцыйны строй адзення 40-50-х гадоў 20 стагоддзя. Традыцыйный строй стаў яскравай састаўной часткай агульнага маштабнага свята.