Паступіць у навучальныя ўстановы Слоніма можна без экзаменаў

Сёння выпускнікоў школ арыентуюць на атрыманне рабочых спецыяльнасцей. Таму стаць навучэнцамі сярэдніх спецыяльных устаноў можна без уступных экзаменаў.

Набор на аснове дакумента аб адукацыі — без экзаменаў і тэсціравання — праводзяць Слонімскі політэхнічны прафесійны ліцэй і Слонімскі прафесійна-тэхнічны каледж сельскагаспадарчай вытворчасці.

Політэхнічны ліцэй  сёлета запрашае на вучобу 125 чалавек — будучых цырульнікаў, швачак, тынкоўшчыкаў і маляроў, кантралёраў-касіраў, повараў. У ліцэі можна набыць і другую прафесію, у тым ліку печніка, абліцоўшчыка-плітачніка, муляра, майстра па манікюры, афіцыянта, аператара ЭВМ.

Слонімскі прафесійна-тэхнічны каледж сельскагаспадарчай вытворчасці  ў 2013/14 навучальным годзе на аснове дакумента аб адукацыі прыме 187 навучэнцаў — будучых слесараў, вадзіцеляў, трактарыстаў, электразваршчыкаў, маляроў, тынкоўшчыкаў, тэхнікаў-механікаў.

У Жыровіцкі аграрна-тэхнічны каледж  можна паступіць па конкурсе сярэдняга бала дакумента аб адукацыі. Навучанне на спецыяльнасцях “тэхнік-механік”, “тэхнік-электрык” дазволіць атрымаць дадаткова прафесію рабочага — вадзіцеля, слесара, трактарыста-машыніста, электраманцёра. Сертыфікат цэнтралізаванага тэсціравання па адпаведных прадметах у каледжы запатрабуюць толькі на папаўненне ў групы другога курса.

Сёлета ўступныя іспыты ў выглядзе цэнтралізаванага тэсціравання прыйдзецца прайсці пры паступленні ў Слонімскі медыцынскі каледж. Летась, дарэчы, у медкаледж абітурыенты залічваліся паводле конкурсу сярэдняга бала атэстата, бо ў 2011 годзе конкурс не перавышаў 1,5 чалавека на месца.

Паводле плану, у 2013 годзе медкаледж павінен прыняць на вучобу 90 будучых медсясцёр і 90 фельчараў. Конкурс у медкаледж сярод медсясцёр летась павысіўся і склаў 2,1 чалавека на месца, прахадны бал для гараджанак быў 7,8.

У 2012 годзе навучэнцамі сярэдніх спецыяльных навучальных устаноў сталі 22,5% выпускнікоў 11-х класаў і 19,7% выпускнікоў 9-х класаў школ Слонімскага раёна. Навучанне ва ўстановах прафтэхадукацыі працягнулі 9,8% выпускнікоў 11-х класаў і 18,4% вучняў 9-х класаў.

У вышэйшыя навучальныя ўстановы паступілі 64,9% выпускнікоў Слонімскага раёна, з іх 66,6% — на бюджэтную форму навучання.

Выпускнікі 2011/12 навучальнага года выбралі такія накірункі навучальных устаноў:

Профіль навучальнай установы

Выпускнікоў 11-х класаў (%)

Выпускнікоў 9-х класаў (%)

2011 г.

2012 г.

2011 г.

2012 г.

Сельскагаспадарчыя

10,9

7,7

30,7

52,2

Прамысловыя

12,7

21,3

12,6

11,7

Будаўнічыя

9,7

2,7

14,6

11,7

Педагагічныя

6

12

1,5

7,3

Гандлёвыя

10,1

6,2

12

5,6

Кіраўніцкія

3,9

1,5

—

—

Медыцынскія

9,5

12,4

18,8

—

Эканамічныя

15,4

20,1

6,1

1,7

Юрыдычныя

7,8

3,1

0,3

1,1

Ваенныя

3,5

4,6

—

—

Бытавога абслугоўвання

—

—

15

4,4

Іншыя

10,1

8,1

4,2

4

      Паводле http://slonim.grodno-region.by