У 2013 годзе ў Гродна на беларускай мове ў школах і дзіцячых садах навучаліся ўсяго 20 чалавек

З кожным годам паступова павялічваецца колькасць крэатыўных беларусаў, якія жадаюць вучыць сваіх дзетак у школе і дзіцячым садку па-беларуску. Сёлета ў Гродне заявы можна напісаць у 1-4 класы, пiша “Твой Стыль“.

Базавымі беларускімі школамі ў Гродна на сёння з’яўляюцца СШ №32 (Ленінскі раён), СШ №34 (Кастрычніцкі раён), якія маюць вопыт арганізацыі беларускага навучання. Навучальны год у СШ№32 закончылі ўсяго 5 чалавек з беларускай мовай навучання. У СШ №34 у мінулым годзе пачалі вучыцца ў беларускім класе 2 хлопчыкі. Заканчваюць навучанне – 3. У дзяцячым садку №45 (вул.Сухамбаева, 5) з ініцыятывы бацькоў была створана беларуская рознаўзроставая група. На пачатак ліпеня 2012г там было 9 дзетак, заканчвае навучанне – 12.

Такім чынам у 2013 г. усяго ў Гродне ў беларускіх класах (1-3 клас) навучаліся 8 чалавек. А 12 чалавек у беларускай групе дзіцячага садка.

У мінулым навучальным годзе ў Гродзенскай вобласці агульнымі намаганнямі бацькоў, аддзелаў адукацыі і грамадскіх аб’яднанняў было створана 30 новых беларускіх класаў. Годам раней – 20.

Для кансультацыі па пытаннях далучэння да беларускай групы ў садку вы можаце звярнуцца да Наталлі Кісель з бацькоўскага камітэту беларускай групы (МТС – 29 8891853, Velcom – 29 3378574, email: [email protected]).

Дадатковую іфармацыю пра навучанне у школе №32 Вы можаце атрымаць у прадстаўніка бацькоўскага камітэта Аксаны Астроўскай (тэл.:70-62-89, пасля 18.00).

У красавіку-траўні адбываліся бацькоўскія сходы для будучых першакласнікаў 2013 г. Некаторыя ўжо вызначыліся з мовай выкладання для свайго дзіцяці. Але часу да канца жніўня яшчэ хапае.

Гарадзенская абласная і гарадская рады ТБМ імя Ф.Скарыны ўпэўненыя, што беларускамоўныя дарослыя як ніхто адпавядаюць імператыву сучаснасці, бо ведаюць і рускую і беларускую. Рускамоўныя, як правіла – аднамоўныя, беларускую разумеюць, але нармальна не валодаюць. Яны адсталі ад сучасных еўрапейскіх тэндэнцый, дзе альтэрнатывы шматмоўю не існуе.

Сёння колькасць гадзін на беларускую мову ў рускіх класах скарочана ў два разы, таму некаторым дзецям пасля заканчэння школы ў 2023г. можа быць сорамна і яны будуць шукаць прычыны валодання толькі рускай мовай у сваіх бацьках, якія не аддалі іх у беларускі клас.

Калі Вы сапраўды хочаце каб Вашыя дзеткі ведалі нароўні з рускай і беларускую мову – Вы маеце рэальную магчымасць гэта зрабіць, напісаўшы заяву ў першы беларускі клас.

Выдатнае валоданне, як мінімум дзяржаўнымі мовамі – гэта паказчык талерантнасці грамадства, а павага да роднай мовы – гэта павага і да сябе! Далучайцеся, калі ласка! Будзьма Беларусамі!

Гродна

Дзіцячы садок №45

Адрас: вул.Сухамбаева, 5

Заявы прымаюцца ў Ленінскім аддзеле адукацыі па адрасе: вул. Савецкая, 14, каб. 253, тэлефон – 74-07-85.

Раб. тэл.галоўных спецыялістаў аддзела адукацыі гарвыканкама: 72-04-02, 72-04-83

Тэлефон начальніка аддзела адукацыі гарвыканкама: 72-05-58 (Ламека Сяргей Васільевіч).

Прадстаўнік бацькоўскага камітэта: МТС – 29 8891853, Velcom – 29 3378574, email: [email protected] (Кісель Наталля)

СШ №32 (Ленінскі раён)

Тэлефон сакратара школы: 41-31-92 (Баярчык Гелена Вацлаваўна)

Завуч пачатковай школы: МТС 787-43-54 (Багдановіч Валянціна Іванаўна)

Email: [email protected]

Ленінскі аддзел адукацыі: 72-10-65

Прадстаўнік бацькоўскага камітэта беларускіх класаў: 70-62-89, пасля 18.00 (Астроўская Аксана Барысаўна)

СШ №34 (Кастрычніцкі раён)

Тэлефон сакратара школы: 56-73-13

Завуч пачатковай школы: 56-25-46 (Вітко Алена Антонаўна)

Емаіl: [email protected]

Тэлефон начальніка аддзела адукацыі гарвыканкама: 72-05-58 (Ламека Сяргей Васільевіч).

Кастрычніцкі аддзел адукацыі: 52-05-66

Тэлефоны гарадзенскай абласной арганізацыі ТБМ: Velcom – 943-58-09 (Крой Аляксандр Ільіч), МТС – 285-93-07 ( Буднік Іван Фёдаравіч)