У Рагачоўскім і Кармянскім раёнах прайшоў семінар ...

Цікавае і карыснае мерапрыемства прайшло нядаўна ў нашым раёне і суседнім – Кармянскім. Па агульнай дамоўленасці старшынь двух раённых Саветаў дэпутатаў —  Анатоля Гарноўскага і Мікалая Прытычанкі — праведзен сумесны семінар па тэме “Аб формах і метадах работы Саветаў дэпутатаў, органаў тэрытарыяльнага грамадскага самакіравання, насельніцтва Кармянскага і Рагачоўскага раёнаў па добраўпарадкаванню і навядзенню парадку ў населеных пунктах”. У семінары прынялі ўдзел старшыні і галоўныя спецыялісты абодвух райсаветаў, старшыні сельскіх Саветаў дэпутатаў, начальнікі землеўпарадкавальных служб, упраўленняў архітэктуры, будаўніцтва і камунальнай гаспадаркі, раённых інспекцый прыродных рэсурсаў і аховы навакольнага асяроддзя, занальных цэнтраў гігіены і эпідэміялогіі.

На Кармяншчыне кіраўнікі мясцовых органаў улады наведалі населеныя пункты Барсукоўскага, Стараградскага і Кароцькаўскага сельсаветаў, на Рагачоўшчыне – Доўскага, Гадзілавіцкага, Запольскага і Ціхініцкага сельсаветаў. Пазнаёміліся з работай дэпутатаў, сельвыканкамаў, актыву – давераных асоб старшынь сельскіх Саветаў, насельніцтва па добраўпарадкаванню аграгарадкоў, вёсак і пасёлкаў, вывучалі вопыт суседзяў па ўзаемадзеянню органаў кіравання і раённых служб у навядзенні парадку ў населеных пунктах, на аб’ектах сацыяльнай і вытворчай сферы. Ішла размова і пра санітарнае ўтрыманне населеных пунктаў, і пра ахову і рацыянальнае выкарыстанне зямель.

Безумоўна, такі абмен вопытам работы —  своеасаблівая вучоба кіруючых кадраў – прынясе вялікую карысць, дасць новы імпульс у шматграннай і важнай дзейнасці старшынь сельскіх Саветаў дэпутатаў.

У рабоце семінара прыняла ўдзел і выступіла галоўны спецыяліст Галоўнага ўпраўлення арганізацыйна-кадравай работы Гомельскага аблвыканкама Наталля Цярэня.

Міхась КАВАЛЁЎ.

Фота Васіля РАГОЖНІКАВА.

Увагу ўдзельнікаў семінара прыцягнула надзвычай прыгожае афармленне кветкамі асабістага падворка жыхаркі аграгарадка Ціхінічы Ады Валодзькінай.