У Пружанах валіцца ЗАГС

А найперш каланада перад ім, збудаваная да “Дажынак” 2003 года.

Паўкола з чатырох калон на высокім ганку, стылізаванае пад рымскі порцік, растрэскалася па стыках. Справа шчыліна паміж сцяной суседняй гасцініцы і верхам порціка дасягае 2 сантыметраў і зеўрае небам, калі глядзець знутры. І гэта пры тым, што верхняя частка порціка складзеная з паасобных цаглінаў.

Загадчыца ЗАГСа пацвярджае: праблема ёсць: “Вельмі добра ведаем. Але наша кіраўніцтва не надта хоча падтрымаць нас. Капітальны рамонт нам ужо патрэбен. На “Дажынкі” нам рабілі гэты ЗАГС, у 2003 годзе. Рамонт тут быў, але такі, напалову касметычны. Гэтыя калоны даляпілі, іх раней не было”.

Унутры будынка вільготна, зімой холадна. У кутах адсталі шпалеры, адсырэла мэбля. Мабыць, таму ён і разбураецца, кажа жанчына.