Задержан подозреваемый в ограблении банка

Чацвёртага красавіка арыштаваны падазраваемы ва ўчыненні разбойнага нападу на аддзяленне «Беларусбанка» па вуліцы Набярэжнай у райцэнтры. затрыманне праводзілі старшы оперупаўнаважаны А.А.Легкашкур і намеснік начальніка РАУС А.М.Кандрацюк. Нагадаем, што рабаўнік днём чацвёртага сакавіка пад пагрозай зброі забраў у касе ўсе наяўныя грошы. Відавочна, што нарабаванага яму хапіла амаль на месяц. Тое, што злачынцу не схапілі «па гарачых слядах» натхніла яго на новыя «подзвігі». Першага красавіка касір аддзялення ў Слабудцы сярод наведвальнікаў заўважыла хлопца, які па прыкметах падыходзіў да мяркуемага рабаўніка. Трэба сказаць, што і апрануўся ён так жа: акуляры, шарф і пальчаткі. Адразу работніца банка прыняла меры перасцярогі і выклікала супрацоўнікаў міліцыі. Такія дзеянні касіра спалохалі гэтага «наведвальніка» і ён адразу ўцёк. Аднак камера відэаназірання запісала яго выяву. З дапамогай сведкаў, як расказвае А.М.Кандрацюк, было ўстаноўлена, на якой машыне ён ўехаў, і па базе ўстаноўлена, што транспарт належыць раней не судзімаму жыхару г.Кобрын, 1990 г.н., пачынаючаму прадпрымальніку. Праз некаторы час менавіта яго і затрымалі і зараз ён дае першыя прызнальныя паказанні. Алег Сідарэнка.