В парке прошел пленэр юных художников
Толькі жывапіс, які ствараецца на прыродзе, можа найлепш перадаць натуральную прыгажосць. У гэтым прафесіяналы пэндзля пераканаліся яшчэ ў пачатку ХІХ стагоддзя, але найбольш поўнае ўвасабленне прынцыпы гэтай тэхнікі выяўленчага мастацтва знайшлі ў другой яго палове. Менавіта тады тэрмін «пленэр» пачаў ужывацца шырэй. У наш час пленэр — адзін з асноўных элементаў мастацкага навучання. Юныя мастакі Пружаншчыны, прыхапіўшы з сабой паперу, алоўкі, пэндзлі і мальберты, таксама выйшлі на прыроду…
У пленэры прымалі ўдзел каля паўсотні вучняў школ мастацтваў раёна. Творчае мерапрыемства праходзіла на тэрыторыі Пружанскага палацыка, які, дарэчы, паводле умоў конкурснай часткі, быў абраны і цэнтральнай тэмай работ удзельнікаў.
«Ідэя правесці пленэр з’явілася даўно, але толькі цяпер нам удалося ажыццявіць задуманае, — гаворыць дырэктар Пружанскай дзіцячай школы мастацтваў імя Р.Шырмы Л.М.Філімовіч. — Аддзяленне выяўленчага мастацтва працуе не толькі ў Пружанах, але і ў Шарашове. Мы вельмі спадзяемся, што гэта мерапрыемства стане традыцыйным, выйдзе за межы Пружаншчыныі і ўдзел у ім будуць прымаць таксама госці з суседніх раёнаў».
Між іншым, увагу юных мастакоў невыпадкова звярнулі на музей-сядзібу: арганізатары пленэра зрабілі крокі на шляху захавання і падтрымкі гістарычнай памяці, выхавання беражлівых адносін да гістарычных мясцін нашага краю.
Хлопцам і дзяўчатам удалося не толькі папрактыкавацца ў майстэрстве, але і пашырыць свой кругагляд, паколькі падчас азнаямляльнай экскурсіі па залах палацыка юныя мастакі даведаліся і пра мінулае будынка, яго гаспадароў Швыкоўскіх. Многім гэтыя звесткі дапамаглі вызначыцца з вобразамі, з дапамогай якіх, паводле ўмоў пленэра, яны павінны былі адлюстраваць гістарычныя моманты, звязаныя з музеем-сядзібай і яго былымі жыхарамі. У выніку нехта размясціўся на тэрасе музея, а хтосьці маляваў знешні выгляд палацыка, аднаўляючы падзеі мінулых гадоў, наколькі дазваляла фантазія. Пленэрны малюнак мастакі выконвалі ў розных графічных тэхніках. А паколькі затым работы ацэньваліся журы, вызначыцца толькі з тэматыкай было недастаткова: улічваліся яшчэ арыгінальнасць і якасць выканання. Больш як паўдня спатрэбілася ўдзельнікам, для завяршэння работы.
Каб падвесці вынікі і вызначыць лепшыя малюнкі, журы спатрэбіўся тыдзень. «Шчыра кажучы, ніхто не чакаў, што атрымаюцца работы такога высокага ўзроўню, — прызнаўся дырэктар музея-сядзібы Юрый Зялевіч. — Асабліва тыя, на якіх зроблены спробы мастацкай рэканструкцыі падзей таго часу, калі тут віравала свецкае жыццё».
Не шмат было работ у намінацыі «Пейзажы парку», паколькі на дварэ стаяла дажджлівае надвор’е. Але Ангеліне Строк і Анастасіі Рыжовай гэта не перашкодзіла напісаць маляўнічыя карціны, якія выгадна вылучаліся сярод астатніх работ. Найлепш увасобіць гістарычнае мінулае музея-сядзібы на паперы ўдалося Міхаілу Валкавыцкаму, Яне Строк, Дар’і Казарэз, Анастасіі Пракопчык і Ганне Казак. А ў намінацыі «Помнікі архітэктуры парку» самымі цікавымі і арыгінальнымі былі прызнаны работы Мікіты Навумчыка, Лаліты Шыш і Аксаны Старун. Усяго больш 20 чалавек атрымалі граматы і памятныя падарункі ад музея-сядзібы «Пружанскі палацык».
Нягледзячы на прыроду, якая аказалася не зусім добразычлівай да юных мастакоў, пленэр усё-такі атрымаўся. Той, хто хоча ў гэтым пераканацца на свае вочы, можа наведаць палацык: у бліжэйшы час там адкрыецца выстава работ удзельнікаў першага раённага пленэра вучняў школ мастацтваў.
Марына ВАКУЛЬСКАЯ, Аляксандр Мелеш (фота)
Написать комментарий
Обращались ли вы за помощью в милицию?
Новости Пружан
Пасля 20 гадоў працы сыходзіць дырэктар «Пружанскага палацыка»
Хотите узнать больше? "Я планаваў яшчэ папрацаваць. Тым больш і рамонт ідзе зараз, кідаць усё не хацелася".
В Пружанах мужчина пришел на площадь с красно-зеленым флагом - его судили, дали штраф
Хотите узнать больше? Ему назначили 945 рублей штрафа.
В Пружанах на месте бывшего еврейского гетто нашли человеческие кости
Хотите узнать больше? Сколько человек там было захоронено, пока не известно.
В Беловежскую Пущу возвращаются медведи. Их здесь не было почти 200 лет
Хотите узнать больше? Последний пущанский медведь был убит в 1846 году.
В Пружанском районе водителю Mercedes стало плохо за рулем, он снес знак и вылетел в кювет
Хотите узнать больше? Авария произошла 18 марта, около 09.25, в деревне Лежайка.
Могла сгореть вся парковка. Расстрел автомобилей из фейерверка попал на видео в Пружанах
Хотите узнать больше? Происшествие случилось на улице Интернациональной.
В Брестской области за сутки в ДТП погибли два пешехода
Хотите узнать больше? Аварии со смертельным исходом произошли 21 ноября в Ляховичском и Пружанском районах.
В Пружанском районе с неба упала редкая птица
Хотите узнать больше? Вероятнее всего, птица в тумане перепутала улицу с водной поверхностью.
Объявления
Теплица Агро-Стандарт Оцинкованная. Бесп...
569 бел.руб.
11:35, 25.02.2022Строительство каркасных домов и бань.Пру...
600 бел.руб.
13:38, 22.11.2021Фасовщик сухофруктов Вахта проживание
1 500 бел.руб.
12:13, 25.10.2021Грузчик-маркировщик Вахта в Минске
1 500 бел.руб.
12:12, 25.10.2021Сварщик (Мостовые конструкции Чехов)
3 000 бел.руб.
20:29, 31.08.2021О Пружанах
Парень из белорусских Ружан служил в Моссаде и был премьер-министром Израиля
Подробнее Одним из самых живописных мест нашей республики является городской поселок со звучным и романтическим названием Ружаны. Он расположен на реке Ружанка, на пересечении автодорог Пружаны—Слоним и
Интересная Беларусь
Сэрца Прускай Літвы
Подробнее Калі параўноўваць літоўскі і беларускі рухі нацыянальнага адраджэння на сутыку ХІХ і ХХ стагоддзяў, кідаецца ў вочы, наколькі моцна ў літоўцаў прысутнічала язычніцкая дамінанта. Гэта, нібы праграму,