Жыллё ганцаўчан у 2013 годзе

Па стану на 1 студзеня 2014 года жыллёвы фонд Ганцавіцкага раёна складаўся з 9,7 тысячы жылых дамоў агульнай плошчай 870,7 тысячы квадратных метраў. Каля 55 працэнтаў жыллёвага фонду знаходзіцца ў сельскіх населеных пунктах, 0,2 тысячы квадратных метраў — размешчаны ў старых і аварыйных будынках.

У агульнай колькасці жылых дамоў — 10 інтэрнатаў, асноўную частку (94,9 працэнта) складаюць аднакватэрныя жылыя дамы (у аднакватэрных дамах кватэра адпавядае жылому дому).

Забяспечанасць насельніцтва жыллём склала 30,1 квадратнага метра агульнай плошчы жылых памяшканняў у разліку на аднаго жыхара раёна, у тым ліку ў горадзе Ганцавічы — 28,1, у сельскіх населеных пунктах — 32 квадратныя метры.

Ва ўласнасці дзяржавы сканцэнтравана 3,7 працэнта жыллёвага фонду, у прыватнай уласнасці — 96,3 працэнта. Доля жыллёвага фонду, які знаходзіцца ва ўласнасці фізічных асоб, склала 90,3 працэнта супраць 89,7 працэнта ў 2012 годзе.

У раёне налічваецца 14,8 тысячы кватэр, з якіх асноўную частку складаюць двух- і трохпакаёвыя кватэры (34,1 працэнта і 38 працэнтаў адпаведна). У службовым жыллёвым фондзе знаходзіцца 400 кватэр або 2,7 працэнта, 25 кватэр (0,2 працэнта) складаюць кватэры сацыяльнага карыстання.

Узровень аснашчанасці жыллёвага фонду асобнымі відамі добраўпарадкавання склаў: водаправодам — 53,4 працэнта, каналізацыяй — 52,7 працэнта, цэнтральным ацяпленнем — 45 працэнтаў, гарачым водазабеспячэннем — 43,6 працэнта, ваннамі (душам) — 47,9 працэнта, газам — 97 працэнтаў, напольнымі электраплітамі — 0,9 працэнта.

Колькасць незаселеных (пустуючых) жылых дамоў у цэлым па раёне склала 1,3 тысячы, усе яны знаходзяцца ў сельскай мясцовасці.

Георгій ХВАЛЬКО, начальнік Галоўнага статыстычнага ўпраўлення Брэсцкай вобласці.