З зімой развіталіся, вясну сустрэлі

cherven.by Новости Червеня | 08-03-2014

Мінулы тыдзень адзначыўся святкаваннем Масленіцы. У гэты час развітваліся з зімой і сустракалі вясну, пяклі бліны, гасцявалі ў родзічаў і сяброў, запрашалі да сябе.

Так, у мінулую пятніцу, у Велікапольскім сельскім Доме культуры ладзілі свята «Масленіца». Праўда, наведалася сюды не вельмі шмат вяскоўцаў. Але тыя, хто ўсё ж прыйшоў на свята, бавілі час весела, з песнямі і конкурсамі.

Ірына Логвін і Наталля Манулік расказалі пра Масленічны тыдзень, звычаі і абрады, растлумачылі назву кожнага дня, як яго трэба адзначаць. Вяскоўцы адгадвалі загадкі, спявалі, забаўляліся гульнямі, удзельнічалі ў конкурсах і атрымлівалі заслужаныя ўзнагароды — блінцы з салодкай смятанай. А затым па традыцыі спалілі пудзіла. Тым самым сімвалічна абвесцілі аб пачатку вясны. Завяршылася свята «салодкім сталом» з частаваннем блінамі і духмянай гарбатай…

Кацярына ШУМКО.

У выхадныя дні Масленіцу святкавалі і ў некаторых іншых вёсках раёна. Ладзілі такое мерапрыемства і ў Чэрвені ў лесапарку. Праўда, з-за таго, што насельніцтва напярэдадні не было праінфармавана, колькасць ўдзельнікаў свята можна было пералічыць па пальцах.

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?