ПЕРАМОЖНАЕ ШЭСЦЕ «БУДАЎНІКА»

На працягу першых чатырнаццаці хвілін сустрэчы табло высвечвала нулі. А потым Максім Шмаянкоў галавой скіраваў мяч у вароты мінчан пасля падачы вуглавога. Аднак ужо наступная атака нашых сапернікаў прывяла да поспеху. Багатай на галы выдалася апошняя пяціхвілінка першага тайма. Дзмітрый Чысты двума магутнымі трапнымі ўдарамі вывеў чэрвеньцаў наперад, але потым двойчы вызначыліся ігракі «КаўчэгСервіса» – 3:3.

У другім тайме каманды абмяняліся галамі (мінчане рэалізавалі дзесяціметровы, у нашых мяч на рахунку Яўгена Шчарбакова) – 4:4. За дзве хвіліны да фінальнага свістка Яраслаў Шкурко робіць лік 5:4 на карысць «Будаўніка», аднак на апошніх секундах суддзя прызначае ў нашы вароты яшчэ адзін дзесяціметровы. Лёс перамогі аказваецца ў руках варатара чэрвеньцаў Аляксандра Курыловіча. І ён бліскуча выйграе дуэль з футбалістам «Каўчэг Сервіса». Такім чынам, пасля трынаццаці  гульняў у актыве нашай каманды – 37 ачкоў Яна па-ранейшаму ўзначальвае турнірную табліцу чэмпіянату.

Гэтымі выхаднымі «Будаўнік» згуляе ў спаборніцтвах матч са сталічным «Лакаматывам».

Ігар АДАМОВІЧ. Фота аўтара

На здымку: Аляксандр Курыловіч «бярэ» дзесяціметровы на апошніх секундах матча.

Становішча каманд на 15 лютага

Каманда                                                                              В             Н             П                М                          А

1. «Будаўнік» (Чэрвень)                                   12            1              0              95:25                       37

2. «Тарпеда-Блюфільтрс» (Мінск)                       11            1              1              77:33                      34

3. «Дынас» (Докшыцы)                                        10            1              2              76:39                       31

4. «Лайтнінгс» (Узда)                                            9              1              3              84:30                      28

5. «Мінск-Гэлаксі» (Мінск)                                    9              0              4              90:49                       27

6. «Арэна» (Мінск)                                                                9              0              4              81:63                       27

7. «Каўчэг Сервіс» (Мінск)                                   8              1              4              79:46                       25

8. «ЛМЛ-ультра» (Мінск)                                      6              1              6              70:55                       19

9. «Зеніт» (Мінск)                                                  6              1              6              61:56                      19

10. «Атоліна» (Мінскі р-н)                                     6              1              6              64:64                       19

11. «Калібры»(Мінск)                                           6              1              6              59:74                       19

12. «Сансевілья» (Мінск                                       6              0              6              48:65                       18

13. «Нафтан» (Мінск)                                            5              1              6              49:50                       16

14. «Кайрас» (Мінск)                                            5              0              8              43:54                       15

15. ТАА «Юлціс» (Мінск)                                      4              2              7              55:80                       14

16. «Маяк» (Мінск)                                                 4              1              8              48:69                      13

17. «Фідмаш» (Мінск)                                            3              0              10            45:88                      9

18. «Лакаматыў» (Мінск)                                      1              1              11            30:75                       4

19. «Наві» (Мінск)                                                  1              1              11            34:112                    4

20. «Мажор» (Мінск)                                             0              1              12            32:93                      1