САЦЫЯЛЬНЫЯ РАБОТНІКІ СПАБОРНІЧАЛІ ЗА ТЫТУЛ ЛЕПШАГА ПА ПРАФЕСІІ

cherven.by Новости Червеня | 21-12-2013

Дзея адбывалася на гэтым тыдні ў, актавай зале Чэрвеньскага прафесійна-будаўнічага ліцэя. Сюды на штогадовы традыцыйны конкурс «Лепшы па прафесіі» сабраліся сацыяльныя работнікі Чэрвеньскага тэрытарыяльнага цэнтра сацыяльнага абслугоўвання насельніцтва. Тыя, хто на працягу года аддаваў часцінку сваёй душы і сэрца ўсім, каму патрэбна была дапамога. Многія ўдзельнічалі ў такім мерапрыемстве не аднойчы. А навічкоў і тых, хто ад хвалявання раз-пораз губляўся на сцэне, актыўна падтрымлівалі гледачы.

Праграма мерапрыемства была вельмі насычанай. У конкурсе «Эрудыт» дэманстравалі веды па нарматыўна-прававой аснове працы. У конкурсе «Сітуацыя» кожны павінен быў знайсці правільны выхад з той або іншай жыццёвай сітуацыі. Цікава прайшоў і конкурс сярод брыгадзіраў «Візітная картка». Не менш арыгінальна падрыхтаваліся канкурсанткі да «Музычна-паэтычнага» конкурса. Яны і вершы расказвалі, і ў гумарыстычных сцэнках апісвалі працу сацыяльнага работніка, і песні з прыпеўкамі спявалі! Вельмі спадабалася гледачам вясёлае выступленне Чэрвеньскай брыгады сацыяльнага надомнага абслугоўвання.

Яшчэ ўдзельнікі конкурсу паказалі, якія яны добрыя гаспадыні. Стравы, прыгатаваныя сваімі рукамі ў хатніх умовах, былі дастойна ацэнены журы і гледачамі. Яны былі не толькі вельмі смачнымі, але і арыгінальна аформлены.

Пры падвядзенні вынікаў звярталася ўвага і на знешні выгляд каманд. Журы адзначыла каманды з Чэрвеня, Лядзенскага і Раваніцкага

САЦЫЯЛЬНЫЯ РАБОТНІКІ СПАБОРНІЧАЛІ ЗА ТЫТУЛ ЛЕПШАГА ПА ПРАФЕСІІ

сельсаветаў.

Камісіі цяжка было вызначыць лепшых з лепшых. Пераможцай стала Алена СЕЗОНЧЫК, брыгадзір брыгады сацыяльных работнікаў з Кліноцкага сельсавета. Напісаныя Аленай шчырыя, цікавыя вершы і байкі прыйшліся даспадобы журы і слухачам. Ёй уручылі грамату і прэмію . Сярод сацыяльных работнікаў лепшымі сталі: Галіна КАРБУК з Лядзенскага сельскага Савета (3 месца), Ірына КАВАЛЁНАК з Чэрвеня (2 месца), Наталля НІКІЦІНА з Раваніцкага сельскага Савета. Яны таксама ўзнагароджаны граматамі і матэрыяльнымі прэміямі.

Кацярына ШУМКО.

Фота аўтара

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?