Юныя артысты з Фядор сталі ўдзельнікамі міжнароднай праграмы «Чарнобыльскі шлях – шлях жыцця» | Медиа-Полесье

Канцэрт міжнароднай сацыяльна-творчай праграмы «Чарнобыльскі шлях – дарога жыцця» адбыўся ў вёсцы Фядоры Столінскага раёна 24 сакавіка.

Сутнасць праекта ў тым, каб ў далейшым дапамагчы юным талентам у іх творчым станаўленні. Дзякуючы гэтай праграме магчымасць выступаць на галоўных канцэртных пляцоўках краіны атрымалі Паліна Смолава, Андрэй Шумак, Вячаслаў Гаршкоў і іншыя.

Нязменным кіраўніком праекта ўсе 27 год запар з’яўляецца

У нядзелю адбыўся чарговы сумесны канцэрт артыстаў беларускай эстрады і юных зорак у рамках гэтай праграмы. На гэты раз – з Фядоры. У пачатку канцэрта да гледачоў і артыстаў звярнулася кіраўнік праекта Кацярына Іванаўна Копелева, якая адзначыла важнасць, карысць праграмы, ўспомніла пра Яну Вышынскую – адну з вельмі таленавітых удзельніц праекта са Століншчыны.

Творчую праграму распачаў калектыў ансамбля песні і танца ўнутраных войскаў МУС РБ гурт “Паварот”. На сцэну выйшлі Вячаслаў Гаршкоў і Яна Цінь, якія таксама калісьці выступілі разам з дарослымі артыстамі ў рамках гэтай праграмы. Асабліва запомнілася гледачам (гэта было відаць па гучных, працяглых апладысментах) выступленне лаўрэата міжнародных конкурсаў, фестываляў з Брэста Генадзя Санько. А завяршыўся канцэрт выступленнем салістаў ансамбля танца і песні ўнутраных войск Міністэрства ўнутраных спраў Юрыя Ісаенка і Вольгі Алексінай.

У сярэдзіне праграмы выступілі выхаванцы Фядорскага СДК: Таццяна Барысевіч выканала песню «Далёка ад мамы», Наталля Гізмант спявала пра «Маленькую краіну», Вольга Туцкая і Алёна Барысевіч падарылі слухачам песню «Чорны кот».

Юныя артысты атрымалі не толькі гучныя апладысменты зала і памятныя календары ад кіраўніка праекта, а і пэўны сцэнічны вопыт выступлення на адной сцэне з прафесійнымі выканаўцамі.

У заключэнні

Як падзялілася з карэспандэнтам «Медыя-Палесся» Кацярына Копелева, у Фядорах яна адзначыла выступленне Таццяны Барысевіч, пахваліла выступленне астатніх дзяўчынак.

«У межах праграмы напярэдадні дня трагедыі на Чарнобыльскай АЭС адбудзецца творчая сустрэча таленавітых дзяцей, а ў верасні, напярэдадні Міжнароднага дня міру, пройдзе форум таленавітых зорак глыбінкі», – дадала Кацярына Копелева.