На Палессі пачаўся Міжнародны пленэр ганчароў

Сваю работу распачаў IV Міжнародны пленэр ганчароў, што праходзіць раз у два гады ў Гарадной.

Сёння – першы дзень – “Дзень сустрэчаў”. Рэгістрацыя ўдзельнікаў мерапрыемства праходзіць у Брэсце, у абласным грамадска-культурным цэнтры, а ўжо ў сераду, 23 ліпеня, ганчары з роных краін свету збяруццца ў Гарадной.

Дырэктар Столінскага раённага метадычнага цэнтра Алена Дубойская пазнаёміла з асноўнымі момантамі праграмы. Кожны дзень распланаваны і мае сваю назву.

23 ліпеня (серада) – “Дзень знаёмстваў”

К 10.00 ганчары прыязджаюць у Гарадную, затым знаёмяцца з Цэнтрам ганчарства вёскі, робяць мантаж выставы твораў, прывезеных з дому.

15.00-18.00 – урачыстае адкрыццё пленэра, знаёмства з творчасцю майстроў – удзельнікаў пленэра.

19.00-21.00 – вечарына, прысвечаная гісторыі вёскі Гарадная, ганчарнаму промыслу і патомным ганчарам. Выступленне краязнаўца Валерыя Кісяля “Гісторыя мястэчка Гарадная – непрачытаная кніга”, праглядаў тэнтычных фільмаў.

24 ліпеня (чацвер) – “Дзень гараднянскага ангоба”

10.00-11.00 – сустрэча з народным майстрам Рэспублікі Беларусь Аўрамам Басаўцом.

11.00-13.00 – практычная работа за ганчарным колам.

14.00-19.00 – працяг работы за ганчарным колам, майстар-класы ганчароў.

25 ліпеня (пятніца) – Дзень гараднянскага гаршка “Ад мамзэлькі да паляка”

10.00-11.00 – прэзентацыя традыцыйных формаў гараднянскіх гаршкоў.

11.00-14.00 – конкурс на самую дасканалую форму гаршка.

26 ліпеня (субота) – “Дзень гараднянскіх збаноў і банек”

10.00-11.00 – прэзентацыя традыцыйных формаў гараднянскіх збаноў і банек.

11.00-13.00 – конкурс на самую дасканалую форму збана і банькі.

14.00-19.00 – абпал посуду, падрыхтаванага майстрамі Цэнтра ганчарства.

27 ліпеня (нядзеля) – cвята “Гараднянскі кірмаш”

9.00-18.00 – свята “Гараднянскі кірмаш”. У праграме: майстар-класы, урачыстае даставанне посуду з горну, выставытвораў розных школ і накірункаў, канцэртныя праграмы.

28 ліпеня (панядзелак) – “Дзень творчых работ”

9.00-12.00 – практычная работа за ганчарным колам.

13.00-21.00 – экскурсіі ў мастацкую галерэю Сяргея Місюна (г.Столін), Цэнтр драўлянай скульптуры Івана Супрунчыка (в.Цераблічы), запаведныя мясціны Альманскіх балотаў.

29 ліпеня (аўторак) – “Дзень творчых работ”

10.00-11.00 – практычная работа за ганчарным колам.

11.00-13.00 – майстар-класы.

14.00-15.00 – мантаж і выстава пленэрных работ.

15.00-18.00 – круглы стол, абмен думкамі і прапановы для развіцця Цэнтра ганчарства.

У сераду, 30 ліпеня, ганчары ад’язджаюць са Століншчыны.