Ряд нарушений был выявлен в результате комплексной проверки расходования бюджетных средств, проведённой в Ганцевичском районе

Галоўным упраўленнем Міністэрства фінансаў Рэспублікі Беларусь па Брэсцкай вобласці, сумесна з фінансавым упраўленнем аблвыканкама праведзена комплексная праверка прытрымлівання фінансава-бюджэтнага заканадаўства мясцовымі выканаўчымі і распарадчымі органамі, іх структурнымі падраздзяленнямі і арганізацыямі Ганцавіцкага раёна, мэтавага і эфектыўнага выкарыстання сродкаў, выдаткаваных з бюджэту і дзяржаўных пазабюджэтных фондаў за перыяд з 1 жніўня 2009 па 1 мая 2012 гады. У прыватнасці, камісіяй на мэтавае выкарыстанне дзяржаўных грошай была праверана дзейнасць наступных арганізацый і прадпрыемстваў: КУШВП ЖКГ “Ганцавіцкая РЖКГ”, лясгаса, КУП “Ганцавіцкае ўпраўленне капітальнага будаўніцтва”, цэнтральнай раённай бальніцы, упраўленняў райвыканкама: сельскай гаспадаркі і харчавання, па працы, занятасці і сацыяльнай абароне, а таксама аддзелаў адукацыі і культуры, тэрытарыяльнага цэнтра сацыяльнага абслугоўвання насельніцтва, райпалівазбыту, СВК “Цельшына” і іншых.

Праверкай выяўлена, што сельгасарганізацыямі раёна дапушчана пратэрмінаваная запазычанасць па выплаце бюджэтных пазык, атрыманых на пагашэнне запазычанасці па заработнай плаце, набыццё гаруча-змазачных матэрыялаў для правядзення вясенне-палявых работ, камбікорму і мінеральных угнаенняў у 2002 — 2009 гадах, якая на 1 мая бягучага года склала 2859,4 мільёна рублёў. Акрамя таго, праведзенымі ў раёне праверкамі суб’ектаў прадпрымальніцкай дзейнасці выяўлены нанесены ўрон на суму 119430,3 тысячы рублёў, прадухілена незаконнае і нямэтавае расходаванне дзяржаўных сродкаў на 532180 тысяч рублёў, сладзены два пратаколы аб адміністрацыйных правапарушэннях на фізічных асоб, да дысцыплінарнай адказнасці прыцягнуты тры службовыя асобы. Значныя парушэнні фінансава-бюджэтнага заканадаўства дапушчаны ў аддзелах культуры і адукацыі райвыканкама, урон ад якіх склаў адпаведна 11640 і 13888,3 тысячы рублёў. Адзначаны парушэнні і ў сельгасарганізацыях раёна. Напрыклад, у СВК “Цельшына” выяўлены факты неабгрунтаванага налічэння заработнай платы і матэрыяльнай дапамогі, устаноўлена нястача матэрыяльных каштоўнасцей на суму 836,9 тысячы рублёў, зафіксавана камісіяй празмерна спісаных таварна-матэрыяльных каштоўнасцей на 590 тысяч рублёў, недаплата за тэхабслугоўванне склала 5964,2 тысячы рублёў, разыходжанні ў вазе пры рэалізацыі малака — 483,2 тысячы рублёў. Усяго нанесена ўрону на суму 15242,9 тысячы рублёў, падчас праверкі кампенсавана 13731 тысяча рублёў.

У выніку дапушчаных грубых парушэнняў выкарыстання бюджэтных сродкаў вымовы аб’яўлены некалькім кіраўнікам арганізацый і прадпрыемстваў раёна.

Справаздача

падрыхтавана

па матэрыялах

праверкі.