Маладзёжная эстафета творчасці “Мая Беларусь. Мая будучыня”

Вы пішаце прыгожыя вершы ці нарысы, апавяданні ці эсэ? Калі так, тады смела афармляйце заяўку на ўдзел у маладзёжнай эстафеце творчасці “Мая Беларусь. Мая бу­дучыня”, якую праводзіць Беларускі рэспубліканскі саюз моладзі.

Вось што распавёў аб яе мэтах і задачах першы сакратар Ганцавіцкага райкама ГА “БРСМ” Аляксандр Занька:

— Тэматыка твораў — патрыятызм, развіццё нашай дзяр­жавы і ўклад моладзі ў будучае краіны. Цяпер мы прымаем заяўкі ў літаратурнай намінацыі, на чарзе — конкурсы блогаў, відэафільмаў, сцэнарыяў, постараў, плакатаў, малюнкаў, фо­таздымкаў. Упэўнены, што эстафета дапаможа сфарміраваць культурнае асяроддзе і духоўную свядомасць моладзі, па­садзейнічае развіццю і рэалізацыі ініцыятыў школьнікаў, за­хаванню і прымнажэнню культурных каштоўнасцей. Кожны, у каго ёсць творчыя здольнасці, зможа не толькі праявіць сябе, але і атрымаць падтрымку з боку маладзёжных грамадскіх аб’яднанняў, абмяняцца вопытам, падзяліцца думкамі з ра­веснікамі і нават звярнуцца з ідэямі і прапановамі да органаў улады і кіраўніка дзяржавы.

Для даведкі

Маладзёжная эстафета творчасці “Мая Беларусь. Мая будучыня” з’яўляецца часткай праекта ГА “БРСМ” “Беларусь — крыніца натхнення”, у межах якой плануец­ца правядзенне па ўсёй рэспубліцы разнастайных тэма­тычных мерапрыемстваў, у тым ліку конкурсаў творчых прац (літаратурных, музычных, выяўленчых і іншых) па тэме “Мая Беларусь. Мая будучыня”.

Арганізатарамі раённага этапу конкурсу выступілі раённы савет ГА “БРПА” і райкам ГА “БРСМ”.

Удзельнічаць у ім могуць вучні 5 — 11 класаў. Першы этап конкурсу працягнецца да 27 снежня 2017 года. Свае творы накіроўвайце па адрасе: 225432, г. Ганцавічы, вул. Кастрыч­ніцкая, 1, Ганцавіцкі РК ГА “БРСМ”.

Лепшыя работы маладзёжнай эстафеты творчасці будуць апублікаваны на старонках газет, а таксама ўвойдуць у ма­ляўнічы буклет. Пераможцы раённага этапу будуць узнага­роджаны граматамі і падарункамі ад арганізатараў.

Заяўку ўдзельніка шукайце на сайтах: brsm.by ці brsm-gantcevichi.ucoz.ru

Больш падрабязную інфармацыю можна атрымаць па тэл. 2-38-00 ці ў раённым камітэце ГА “БРСМ” (вул. Кастрычніц­кая, 1, кабінеты 223, 225).

Ганцавіцкі РК ГА “БРСМ”.