24 ноября состоялось заседание Ганцевичского райисполкома

Чатыры важнейшыя пытанні жыццядзейнасці раёна абмеркавалі ўдзельнікі чарговага планавага пасяджэння раённага выканаўчага камітэта, якое правёў 24 лістапада кіраўнік раёна Уладзімір Бялоў.

Па першым з іх — “Аб пра­водзімай рабоце па процідзеянню незаконнаму абароту нарко­тыкаў, прафілактыцы іх ужы­вання, у тым ліку ў маладзёж­ным асяроддзі, на тэрыторыі Ганцавіцкага раёна за 10 ме­сяцаў 2017 года” — выступіў начальнік Ганцавіцкага райад­дзела ўнутраных спраў Аляксей Яроменка. У выніку грунтоўнага аналізу стану спраў у гэтай сфе­ры кіраўнік праваахоўнага ведам­ства раёна прыйшоў да высновы, што аператыўная абстаноўка на тэрыторыі Ганцавіцкага раёна “характарызуецца няўстойлівас­цю па лініі наркакантролю. Вы­клікае занепакоенасць з’яўленне новых відаў псіхатропных рэчы­ваў, якія садзейнічаюць фарміра­ванню залежных форм паводзін, амаладжэнне наркаспажыўцоў”. А гэта значыць, што працы ў дадзеным кірунку хапае, і яна праводзіцца.

“Аб рабоце па за­беспячэнні захаванасці помнікаў, абеліскаў і воінскіх пахаванняў, размешчаных на тэрыторыі раёна” (другое пы­танне парадку дня) вычарпаль­на далажыла начальнік аддзела ідэалагічнай работы, культуры і па справах моладзі Ірына Цу­бер, а таксама акрэсліла пра­блемныя пытанні, на вырашэн­ні якіх неабходна засяродзіць першасную ўвагу.

Трэцяе пытанне: “Аб выка­нанні плана мерапрыемстваў па выкананні задач падпра­грамы 5 “Сацыяльная інтэ­грацыя інвалідаў і пажылых грамадзян” Дзяржаўнай пра­грамы аб сацыяльнай абаро­не і садзейнічанні занятасці насельніцтва на 2016 — 2020 гады па Ганцавіцкім раёне на 2017 год” — асвяціла начальнік упраўлення па працы, занятасці і сацыяльнай абароне райвыкан­кама Наталля Клявец. Яна за­сяродзіла ўвагу ўдзельнікаў па­сяджэння на неабходнасці яшчэ болей узмацніць сацыяльную абароненасць грамадзян пажы­лога ўзросту і інвалідаў, удзяляць ім больш увагі. Свае довады Наталля Ігнатаўна падмацавала канкрэтнымі фактамі і лічбамі.

Начальнік аддзела адукацыі, спорту і турызму Надзея Здрок выступіла па чацвёртым пытанні “Аб парадку арганізацыі по­стінтэрнатнага суправаджэн­ня дзяцей-сірот і дзяцей, якія засталіся без бацькоўскага догляду, на тэрыторыі Ган­цавіцкага раёна”. З паве­дамлення вынікала, што хоць работа гэтая праводзіцца на на­лежным узроўні, неабходнасць яе ўдасканалення відавочная.

Па ўсіх пытаннях парадку дня прыняты адпаведныя рашэнні, на­значаны адказныя за іх выкананне.

Анатоль КРЭЙДЗІЧ.