Дазволена паляванне на зайца

У адпаведнасці з Правіламі вядзення паляўнічай гаспадаркі і палявання ў арандаваных паляўнічых угоддзях установы “Ганцавіцкая раённая арганізацыйная структура РДГА “БТПР” з 7 кастрычніка па 4 лістапада 2017 года дазволена паляванне на зайца-беляка і зайца-русака любога полу і ўзросту ў светлы час сутак ружэйным спосабам з падыходу з ганчакамі, якія маюць палявы дыплом па зайцу і (або) лісіцы.

З 4 лістапада 2017 года па 28 студзеня 2018 года паляванне дазволена на зайца-беляка і зайца-русака любога полу і ўзросту ў светлы час сутак ружэйным спосабам з падыходу, з засады, загонам, у тым ліку з выкарыстаннем паляўнічых сабак усіх парод і безружэйным спосабам з хартамі і лоўчымі птушкамі, а таксама на вавёрку, куніцу лясную, куніцу каменную, тхара ляснога, норку амерыканскую, андатру любога полу і ўзросту ў светлы час сутак ружэйным спосабам з падыходу, у тым ліку з выкарыстаннем паляўнічых сабак усіх парод, акрамя хартоў і ганчакоў, і безружэйным спосабам з выкарыстаннем пастак (акрамя петляў) і пастак № 0-3.

Паляванне праводзіцца па сезонных і разавых пуцёўках: ружэйным спосабам — у суботу, нядзелю і панядзелак, аўторак, у дзяржаўныя святы, святочныя дні, аб’яўленыя Прэзідэнтам Рэспублікі Беларусь непрацоўнымі, а безружэйным спосабам і для замежных грамадзян — ва ўсе дні тыдня. Ільготныя паляўнічыя пуцёўкі прадастаўляюцца студэнтам і навучэнцам дзённай формы навучання, кошт пуцёвак зніжаны для пенсіянераў па ўзросце. Пуцёўкі можна набыць на адзін дзень, на чатыры дні, на сезон палявання. Па пытаннях набыцця паляўнічых пуцёвак звяртайцеся ў раённую арганізацыю БТПР па тэлефонах: 2-69-64, 8-044-538-93-20.