Заслона наркотыкам

У аўторак, 6 кастрычніка, у дзяжурную часць Ганцавіцкага РАУС паступіла паведамленне ад супрацоўніка ДУА “Прафесійны ліцэй сельскагаспадарчай вытворчасці” горада Ганцавічы аб тым, што маладыя людзі, якія пражываюць у інтэрнаце навучальнай установы паводзяць сябе неадэкватна.

Супрацоўнікі міліцыі, якія прыбылі па выкліку, выявілі двух маладых людзей, якія знаходзіліся ў стане наркатычнага ап’янення. Пры правядзенні агляду пакоя, дзе пражывалі  навучэнцы ліцэя, 1994 года нараджэння, супрацоўнікамі РАУС і  быў знойдзены поліэтыленавы пакет з рэчывам карычневага колеру ў ім, агульнай масай 3,81 грама. Пасля правядзення экспертызы было выяўлена, што дадзенае рэчыва расліннага паходжання з’яўляецца асабліва небяспечным псіхатропам, які маладыя людзі, навучэнцы ліцэя, не толькі ўжывалі самі, але і, магчыма, распаўсюджвалі.

Па словах першага намесніка начальніка Ганцавіцкага РАУС Вадзіма Канапацкага, зараз факт рэалізацыі грамадзянамі псіхатропнага рэчыва ўстанаўліваецца, а самі маладыя людзі затрыманы.  У выпадку, калі будзе даказана, што навучэнцы ліцэя, акрамя ўжывання і захоўвання, распаўсюджвалі наркатычныя сродкі, здзейсненае імі правапарушэнне будзе кваліфікавацца згодна з артыкулам 328 часткай 3 Крымінальнага кодэкса Рэспублікі Беларусь: “Незаконныя з мэтай збыту выраб, перапрацоўка, набыццё, захоўванне, перавозка або перасылка або незаконны збыт наркатычных сродкаў, псіхатропных рэчываў або іх прэкурсораў або аналагаў, здзейсненыя групай асоб або збыт наркатычных сродкаў, псіхатропных рэчываў, іх прэкурсораў або аналагаў на тэрыторыі ўстановы адукацыі караюцца пазбаўленнем волі на тэрмін ад 8 да 13 гадоў з канфіскацыяй маёмасці або без канфіскацыі”.

Таксама Вадзім Вячаслававіч нагадаў, што згодна з Дэкрэтам № 6 “Аб неадкладных мерах па супрацьдзеянні незаконнаму абароту наркотыкаў” павялічылася крымінальная адказнасць за злачынствы, звязаныя з незаконным абаротам наркотыкаў. Так, павялічыўся максімальны тэрмін абмежавання волі за дзеянні, звязаныя са збытам наркотыкаў пры наяўнасці абцяжарваючых абставін (напрыклад, учынены групай асоб, або ў буйным памеры, або на тэрыторыі ўстановы адукацыі), з 13 да 15 гадоў, збыт наркотыкаў заведама непаўналетняму — з 8 да 15 гадоў. Дзеянні, звязаныя са збытам наркотыкаў, учыненыя арганізаванай групай, — з 15 да 20 гадоў, а таксама за выраб або перапрацоўку наркотыкаў у лабараторных умовах — з 8 да 20 гадоў.

Уведзена крымінальная адказнасць за дзеянні, звязаныя са збытам наркотыкаў, якія прывялі па неасцярожнасці да смерці чалавека ў выніку ўжывання ім наркотыкаў (прыводзіць да абмежавання волі на перыяд ад 12 да 25 гадоў). Вадзім Канапацкі адзначыў, што ўзрост крымінальнай адказнасці за дзеянні, звязаныя са збытам наркотыкаў зніжаны з 16 да 14 гадоў, а таксама ўзмоцнены меры адміністрацыйнай адказнасці за правапарушэнні, звязаныя з ужываннем наркотыкаў.

У сувязі з пагрозай шырокага распаўсюджвання наркотыкаў з выкарыстаннем сеткі інтэрнэт замацоўваецца механізм аператыўнага абмежавання доступу карыстальнікаў да інфармацыйных рэсурсаў, якія змяшчаюць паведамленні або матэрыялы, накіраваныя на незаконны абарот наркотыкаў.

З 1 сакавіка 2015 года створана адзіная сістэма ўліку асоб, якія ўжываюць наркатычныя сродкі, псіхатропныя рэчывы, іх аналагі.

Ксенія ЛУЦКО.