“Не пакідайце дзяцей адных!”

20 мая ў рамках рэспубліканскай акцыі “Не пакідайце дзяцей адных!” першым намеснікам начальніка Ганцавіцкага РАНС Уладзімірам Шосцікам, была праведзена прафілактычная гутарка з кіраўнікамі аздараўленчых лагераў, арганізаваных на базе школ і дзіцячых садкоў раёна.

У ходзе выступлення прысутным была даведзена інфармацыя пра пажары ў Ганцавіцкім раёне і аператыўная абстаноўка на тэрыторыі Брэсцкай вобласці, праведзены аналіз прычын ўзнікнення пажараў па прычыне дзіцячага свавольства.

Таксама былі закрануты пытанні захавання правілаў пажарнай бяспекі ў будынках і на тэрыторыі аздараўленчых лагераў у перыяд іх падрыхтоўкі да адкрыцця і падчас функцыянавання. Даведзены алгарытм дзеянняў дзяцей і персаналу лагера ў выпадку ўзнікнення надзвычайнай сітуацыі.

Уладзімір Іванавіч распавёў прысутным пра важнасць падпіскі на друкаваныя выданні “Юный спасатель” і “Служба выратавання”, падпісная кампанія на якія ўжо пачалася, з якіх чытачы змогуць запазычыць шмат цікавай інфармацыі пра бяспеку жыццядзейнасці.

У канцы сустрэчы ўсе прысутныя змаглі атрымаць адказы на ўсе пытанні.

Таксама ў рамках рэспубліканскай акцыі “Не пакідайце дзяцей адных!” Работнікамі Ганцавіцкага раённага аддзела па надзвычайных сітуацыях праводзяцца маніторынгі месцаў размяшчэння дзіцячых аздараўленчых лагераў, якія знаходзяцца ў школах і дзіцячых садках. Адпачываць у іх будзе больш за 1300 дзяцей.

Пры правядзенні маніторынгаў было нададзена ўвага асноўным пытанням пажарнай бяспекі: спраўнасці аўтаматычнай пажарнай сігналізацыі і сістэмы абвесткі, наяўнасці і спраўнасці першасных сродкаў пажаратушэння, зместу шляхоў эвакуацыі, веданню работнікамі дзеянняў у выпадку ўзнікнення надзвычайнай сітуацыі.

Па выніках праведзеных маніторынгаў кіраўнікам аб’ектаў былі ўручаны рэкамендацыі з указаннем мерапрыемстваў, якія неабходна выканаць для бяспечнага функцыянавання лагераў адпачынку.

Інспектар ІНіП Ганцавіцкага РАНС,

лейтэнант унутранай службы Мікалай ВЕЛЯСЮК.