Ганцавіцкаму раёну — 75!

Прыміце самыя шчырыя віншаванні з 75-годдзем утварэння Ганцавіцкага раёна!

За гэтыя сем з паловай дзесяцігоддзяў раён прайшоў няпросты, але напоўнены працоўным і воінскім гераізмам нашых грамадзян шлях.

Дзякуючы намаганням пакалення, якое выстаяла ў неверагодна жорсткай барацьбе з нямецка-фашысцкімі захопнікамі, стала магчымым развіццё Ганцаўшчыны на працягу наступных дзесяцігоддзяў.

Самаадданая праца ганцаўчан на будоўлях, палетках, у прамысловасці і навуцы заклала той падмурак малой радзімы, жыхарамі якой мы з’яўляемся і якой мы шчыра ганарымся.

Мы ўдзячныя продкам за мірнае неба і спакой на зямлі. Наш грамадзянскі абавязак — пакінуць такую ж спадчыну сваім нашчадкам.

Звяртаючыся да моладзі хацелася б пажадаць, каб тыя ўмовы, якія створаны ў Ганцавіцкім раёне, спрыялі станаўленню дастойных грамадзян, рэалізацыі вашых самых смелых ідэй, развіццю талентаў, што складаюць гонар і годнасць зямлі беларускай.

Праца нашых бацькоў і дзядоў, нашы з вамі дасягненні сталі агульным здабыткам краіны. Сёння Ганцаўшчыне ёсць чым ганарыцца. Гэта зямля, на якой жывуць выдатныя людзі: працаўнікі, майстры сваёй справы — яе гонар і слава.

Тое, што мы маем, створана рукамі нашых продкаў. Тое, што будзе ў нашых дзяцей — залежыць ад нас.

Дарагія жыхары Ганцавіцкага раёна! Прыміце падзяку за добрасумленную працу, пасільны ўклад у агульную справу станаўлення роднага краю. Шчасця, здароўя, дабра і дабрабыту вам і вашым блізкім, поспехаў у працы на карысць нашай Радзімы!

Раённы выканаўчы камітэт. Раённы Савет дэпутатаў.

Дарагія землякі, паважаныя ветэраны вайны і працы,

маладое пакаленне

Ганцаўшчыны!

Прыміце шчырыя віншаванні з нагоды 75-годдзя ўтварэння нашага раёна. Яго жыхарамі пройдзены няпросты, але слаўны шлях, за гэты час непазнавальна змянілася наша родная старонка, папрыгажэла. У сённяшніх набытках раёна ёсць важкі ўклад равеснікаў гэтай юбілейнай даты і тых, чыя маладосць прыпала на ваеннае ліхалецце і хто выратаваў краіну ад фашысцкіх захопнікаў, мужна змагаючыся на франтах і ў партызанскіх атрадах, хто потым руплівай працай адбудоўваў разбураныя гарады і вёскі.

Юбілей нашага раёна прыпадае на юбілейны год Вялікай Перамогі, адзначаецца ў Годзе моладзі. Верым, спадзяёмся, што маладое пакаленне нашай Ганцаўшчыны прадоўжыць слаўныя традыцыі сваіх бацькоў і дзядоў і зробіць усё для таго, каб у міры і згодзе жылі іх нашчадкі.

Са святам усіх вас! Здароўя вам, шчасця, дастатку, радасці, цяпла, узаемаразумення!

Раённы савет ветэранаў.

Паважаныя жыхары Ганцаўшчыны!

Вашаму раёну, аднаму з маляўнічых куточкаў Брэстчыны, спаўняецца 75 гадоў. Слаўная, прыгожая дата! Пройдзены немалы шлях, агульнымі намаганнямі многае зроблена для станаўлення раёна, для паляпшэння дабрабыту яго працавітых людзей, захавання і прымнажэння найлепшых традыцый тых, хто жыў тут спрадвеку і марыў пра свабоду, незалежнасць, спакой, светлую будучыню для сваіх нашчадкаў.

Вам ёсць чым ганарыцца, ёсць што паказаць гасцям і ёсць да чаго імкнуцца ў далейшым, бо наперадзе — новыя планы, задумкі. Няхай жа збываюцца вашы мары і спадзяванні, дарагія ганцаўчане! Хай нізка вам кланяецца за руплівую працу, наліты важкім зернем хлебны колас, хай ярка палымнеюць на вашых неабсяжных балотах гаючыя журавіны, хай спорыцца работа ў кожным працоўным калектыве, багатымі будуць святочныя сталы, вясёлымі песні над чыстымі прасторамі вашага краю, а горад і вёскі яшчэ больш прыгажэюць.

Здароўя вам, міру, дастатку!

З павагай, Мікалай ЯЗУБЕЦ,

дэпутат Палаты прадстаўнікоў Нацыянальнага сходу Рэспублікі Беларусь.