Спынены незаконны гандаль

Інспекцыя па падатках і зборах Рэспублікі Беларусь па Ганцавіцкім раёне ў ходзе рэйдавай праверкі 11 жніўня ў вёсцы Хатынічы выявіла факт ажыццяўлення прадпрымальніцкай дзейнасці без дзяржаўнай рэгістрацыі ва ўстаноўленым заканадаўствам парадку грамадзянінам Расійскай Федэрацыі В. С. Самойлавым.

З мэтай атрымання сістэматычнага даходу грамадзянін Расійскай Федэрацыі набыў партыю тавару (5 камплектаў посуду) на агульную суму 15000000 рублёў, і 11 жніўня ў 13 гадзін 30 мінут з аўтамабіля ў вёсцы Хатынічы па вуліцы Пінскай ажыццяўляў яго рэалізацыю без платы адзінага падатку з індывідуальных прадпрымальнікаў і іншых фізічных асоб.

Супрацоўнікамі інспекцыі была праведзена кантрольная закупка двух камплектаў посуду на суму 5000000 рублёў.

Акрамя гэтага, 11 кастрычніка 2013 года інспекцыяй МНС Рэспублікі Беларусь па Навагрудскім раёне таксама быў выяўлены факт ажыццяўлення рознічнага гандлю гэтым самым грамадзянінам і таксама без платы адзінага падатку.

Гэтая факты сведчаць аб сістэматычнай накіраванасці ажыццяўлення прадпрымальніцкай дзейнасці без дзяржаўнай рэгістрацыі ва ўстаноўленым заканадаўствам парадку.

Тым самым грамадзянін Расійскай Федэрацыі парушыў пункт 1 артыкула 1 Грамадзянскага кодэкса Рэспублікі Беларусь, артыкул 11 Закона Рэспублікі Беларусь ад 4 студзеня 2010 года № 105-З “Аб прававым становішчы замежных грамадзян і асоб без грамадзянства ў Рэспубліцы Беларусь” (са змяненнямі і дапаўненнямі), падпункт 1.2.2 пункта 1 артыкула 294 Падатковага кодэкса Рэспублікі Беларусь. Адказнасць за дадзенае парушэнне прадугледжана часткай 1-1 артыкула 12.7 Кодэкса Рэспублікі Беларусь аб адміністрацыйных правапарушэннях.

Пастановай Эканамічнага суда Брэсцкай вобласці 12 жніўня 2014 года грамадзянін прыцягнуты да адміністрацыйнай адказнасці ў выглядзе штрафу на суму 1500000 рублёў з канфіскацыяй тавару на суму 15000000 рублёў.

Аляксандр САКЕЛЬ, намеснік начальніка — начальнік аддзела падаткаабкладання  арганізацый і іншых даходаў інспекцыі па падатках і зборах Рэспублікі Беларусь па Ганцавіцкім раёне.