Першыя тысячнікі

Уборачная кампанія ў раёне выходзіць на фінішную прамую. І ў мінулую нядзелю адразу тры экіпажы камбайнераў сельгасарганізацый па намалотах перасягнулі знакавую мяжу ў тысячу тон. Прама на полі яны і прымалі віншаванні ад кіраўніцтва раёна і райкама прафсаюза работнікаў аграпрамысловага комплексу.

Першымі віншаванні прымалаў экіпаж камбайна СВК “Будча” ў складзе Ігара Дайліда і Анатоля Кандрацені. Кіраўнік раёна Аляксандр Саланевіч разам з начальнікам упраўлення сельскай гаспадаркі і харчавання райвыканкама Юрыем Лелесам і старшынёй райкама прафсаюза работнікаў аграпрамысловага комплексу раёна Наталляй Кандратовіч падзякавалі перадавікам за плённую працу і ўручылі падзячныя пісьмы, а таксама грашовыя прэміі.

Такіх жа ўзнагарод удастоіліся і камбайнеры  двух экіпажаў з СВК “Агарэвічы” —

Аляксандра Аляксейчыка і Сяргея Каўша, а таксама Аляксандра Курса і Уладзіслава Прылепы. Яны літаральна ў след за камбайнерамі з “Будчы” перасягнулі па намалотах запаведную мяжу. Дарэчы, ёсць ужо тысячнікі і ў СВК “Хатынічы”. Яны разам з іншымі экіпажамі камбайнераў, якія таксама здолеюць намалаціць больш тысячы тон зерня, будуць ушанаваны на раённым свяце “Дажынкі-2014”.

Дарэчы, сельгаскааператывы “Будча” і “Агарэвічы” па валавым намалоце зерня знаходзяцца ў лідарах. Мяркуецца, што гэтыя гаспадаркі атрымаюць больш чым па 5 тысяч тон зерня кожная. Увогуле, сёлета на Ганцаўшчыне чакаецца рэкордны для раёна ўраджай збожжа, што стане самай вялікай узнагародай хлебаробам за іх цяжкую працу.

Аляксей ГРУШЭВІЧ. Фота аўтара.

ПЕРАДАВІКІ ЎБОРКІ

АЛЯКСЕЙЧЫК Аляксандр Мікалаевіч і КОЎШ Сяргей Барысавіч — камбайнеры СВК “Агарэвічы”, якія на камбайне “КЗС-12” убралі зернявыя на 287 гектарах і намалацілі 1034,6 тоны зерня;

ДАЙЛІД Ігар Іванавіч і КАНДРАЦЕНЯ Анатоль Канстанцінавіч — камбайнеры СВК “Будча”, якія на камбайне “КЗС-1218” убралі зернявыя на 320 гектарах і намалацілі 1018 тон зерня;

КУРС Аляксандр Аляксандравіч і ПРЫЛЕПА Уладзіслаў Віктаравіч — камбайнеры СВК “Агарэвічы”, якія на камбайне “КЗС-12” убралі зернявыя на 262 гектарах і намалацілі 1015,5 тоны зерня;

ЖАЛЕЗНЫ Мікалай Рыгоравіч — вадзіцель СВК “Цельшына”, які на аўтамабілі “МАЗ-554142” перавёз 1192 тоны зерня;

КАНАНОВІЧ Уладзімір Уладзіміравіч — вадзіцель СВК “Хатынічы”, які на аўтамабілі “МАЗ-555102” перавёз 1138 тоны зерня;

ВАЎЧОК Таццяна Іванаўна — аператар зернесушыльнага комплексу СВК “Хатынічы”, якая на сушылцы “КЗС-5” ачысціла і прасушыла 875 тон зерня.