Маладзёжны білет — твая сацыяльная падтрымка, твае бонусы і скідкі

У рамках падрыхтоўкі да рэалізацыі Міжнароднай маладзёжнай дысконтнай праграмы “EURA-26” грамадскае аб’яднанне “Беларускі рэспубліканскі саюз моладзі” арганізоўвае сістэму сацыяльна-эканамічнай падтрымкі моладзі.

Мэты праграмы “EURA-26” — сацыяльна-эканамічная падтрымка моладзі праз развіццё сістэмы скідак і льгот па карце “EURA-26”; інфармаванне маладых людзей аб сваіх правах і перавагах узросту, забеспячэнне іх мабільнасці ў перамяшчэнні па Еўропе і доступу да скарбаў сусветнай культуры, павышэнне дзелавой актыўнасці моладзі і развіццё культуры пластыкавых карт.

Прынцып “EURA-26” —  тысячы скідак даступны для моладзі, але толькі “EURA-26” дазваляе моладзі атрымаць тысячы скідак.

Дэвіз “EURA-26”: з’эканомленыя грошы — заробленыя грошы! Вучыся зарабляць пакуль малады!

Рэалізацыя гэтай праграмы на тэрыторыі Беларусі дазволіць уладальнікам карты “EURA-26” — міжнароднага маладзёжнага пасведчання (ID), дысконтнай карты і еўрапейскага студэнцкага білета — атрымаць спецыяльныя скідкі і льготы на тавары і паслугі больш чым у 40 краінах Еўропы.

Адной з умоў работы праграмы на тэрыторыі Рэспублікі Беларусь з’яўляецца стварэнне ўласнай праграмы сеткі дысконтнай сістэмы. На сённяшні дзень дагаворныя кампаніі на прадастаўленне тых або іншых паслуг, продажу тавараў са скідкай на тэрыторыі Беларусі праводзяць і тэрытарыяльныя камітэты ГА “БРСМ”. Паслугі гэтага дысконта змогуць скарыстаць усе члены нашай арганізацыі пры прад’яўленні маладзёжнага білета.

У Ганцавічах дысконтныя скідкі прадастаўляе павільён “Кветкі”, які размешчаны па адрасе: вуліца Кастрычніцкая, 10. Пры пакупцы кветак на суму ад 100000 рублёў даецца скідка 5 працэнтаў. Індывідуальны прадпрымальнік Г. М. Стрыжыч на фотапаслугі дае скідку 10 працэнтаў. Адрас: вуліца Кастрычніцкая, 18.

Спіс іншых арганізацый, уключаных у сетку, вы можаце знайсці на сайце: http://brsmgantcevichi.ucjz.ru/

Аляксандр ЗАНЬКА, першы сакратар Ганцавіцкага раённага камітэта ГА “БРСМ”.