Хварэем за любімую каманду

Паважаныя аматары футбола! Вашай любімай камандзе, безумоўна, патрэбна ваша падтрымка, любоў і воля да перамогі. З’яўляючыся адной са складаных каманды, вы падзяляеце з яе ігракамі адказнасць за фарміраванне станоўчага іміджу свайго клуба ў вачах грамадскасці, і ў першую чаргу — маладога пакалення.

У любым спорце ігра вядзецца па правілах. У балельшчыкаў таксама ёсць прынятыя правілы, парушэнне якіх не толькі наносіць шкоду спартсменам, але і цягне адказнасць перад законам. Паважайце, у першую чаргу, іншых балельшчыкаў!

Прысутнасць вялікай колькасці грамадзян у час матчу, напал спартыўных страсцей патрабуюць ад кожнага балельшчыка павышанай увагі, для таго каб пазбегнуць канфліктных сітуацый і траўматызму.

Вашай камандзе патрэбны толькі станоўчыя эмоцыі, дастойныя паводзіны на трыбунах і па-за імі. Знаходжанне ў п’яным выглядзе, курэнне на стадыёне, выкарыстанне забароненых банераў і іншых прадметаў, ужыванне ненарматыўнай лексікі, правакаванне канфліктных сітуацый ствараюць чорны піяр камандзе і ўяўляюць небяспеку здароўю.

У час знаходжання на стадыёне, мы просім усіх аматараў футбола захоўваць дзеючае заканадаўства, правілы паводзін на стадыёне і палажэнні Рэгламента УЕФА па бяспецы і парадку.

Звяртаем увагу, што ахова грамадскага парадку і бяспека грамадзян на стадыёне і прылягаючай да яго тэрыторыі пры правядзенні футбольных матчаў забяспечваюцца супрацоўнікамі органаў унутраных спраў. Пропуск балельшчыкаў ажыццяўляецца загадзя праз устаноўленыя ўваходы спартыўнага аб’екта. З мэтай забеспячэння грамадскага парадку і бяспекі грамадзян, на ўваходах (пунктах пропуску) на тэрыторыю стадыёна, кожны балельшчык і яго асабістыя рэчы будуць правярацца. Пры выяўленні на стадыёне падазроных прадметаў, просьба самім не прадпрымаць ніякіх дзеянняў, а тэрмінова праінфармаваць аб гэтым супрацоўнікаў міліцыі. Пры неабходнасці аказання экстранай медыцынскай дапамогі можна звярнуцца да любога супрацоўніка міліцыі для аператыўнага прыбыцця работнікаў хуткай медыцынскай дапамогі.

Балельшчыкі ў стане алкагольнага ап’янення, з забароненымі прадметамі на тэрыторыю стадыёна дапускацца не будуць. Асобы, якія не захоўваюць устаноўленыя правілы паводзін пры правядзенні матча, будуць неадкладна выдаляцца за межы стадыёна, а за здзяйсненне правапарушэнняў — прыцягвацца да адказнасці ў адпаведнасці з дзеючым заканадаўствам Рэспублікі Беларусь.

Прытрымліванне ўстаноўленых правіл паводзін на стадыёне пры правядзенні матча па футболе — залог забеспячэння грамадскага парадку і вашай асабістай бяспекі!

Падтрымаем прыгожую гульню сваімі прыкладнымі паводзінамі! Умець прайграваць таксама трэба, але вашай камандзе — вялікіх перамог!

Віталь ЧАБАТАРЭНКА, начальнік аддзялення аховы правапарадку і прафілактыкі Ганцавіцкага РАУС, маёр міліцыі.