Працоўная адаптацыя

Садзейнічанне ў адаптацыі інвалідаў да працоўнай дзейнасці аказвае ўпраўленне па працы, занятасці і сацыяльнай абароне райвыканкама.

Адаптацыя інвалідаў можа ажыццяўляцца на тэрмін ад шасці месяцаў да аднаго года. За кошт Фонда сацабароны насельніцтва Рэспублікі Беларусь арганізацыі і індывідуальныя прадпрымальнікі, якія ствараюць і захоўваюць рабочыя месцы для адаптацыі інвалідаў да працоўнай дзейнасці, маюць права на кампенсацыю затрат па аплаце працы інвалідаў, фінансаванне для набыцця абсталявання, матэрыялаў і спецадзення.

Грашовыя сродкі выдзяляюцца наймальнікам пры ўмове арганізацыі імі адаптацыі інвалідаў да працоўнай дзейнасці на дадзеных рабочых месцах на працягу трох гадоў. А рабочыя месцы,  для якіх абсталяванне набыта за кошт Фонда сацабароны, могуць выкарыстоўвацца наймальнікам для працаўладкавання на пастаянную работу інвалідаў, якія прайшлі адаптацыю да працоўнай дзейнасці на працягу трох гадоў з дня прыёму на работу.

За кошт сродкаў Фонда сацабароны наймальнікам могуць быць кампенсаваны наступныя затраты па аплаце працы інвалідаў:

— затраты на аплату працы ў памеры налічанай заработнай платы (з улікам выплат стымулюючага і кампенсуючага характару) за фактычна адпрацаваны час і выкананую работу, але не ніжэй памеру мінімальнай заработнай платы (месячнай, пагадзіннай), устаноўленага ў адпаведнасці з заканадаўствам, пры ўмове вызначанай нормы адпрацоўкі і выканання нормы працы;

— сумы сярэдняга заробку, які захоўваецца на час працоўнага водпуску, грашовай кампенсацыі за нявыкарыстаны працоўны водпуск;

— сумы абавязковых страхавых узносаў у Фонд сацабароны і страхавых узносаў па абавязковаму страхаванню ад няшчасных выпадкаў на вытворчасці і прафесійных захворванняў.

Для атрымання неабходнай інфармацыі па адаптацыі інвалідаў да працоўнай дзейнасці можна звярнуцца ў аддзел занятасці ўпраўлення па працы, занятасці і сацыяльнай абароне райвыканкама па тэлефоне 2-33-89.

Уласн. інф.