Пачаты прыём дакументаў

па вылучэнні прадстаўнікоў у склад участковых выбарчых камісій па выбарах дэпутатаў мясцовых Саветаў дэпутатаў дваццаць сёмага склікання.

У адпаведнасці з артыкулам 35 Выбарчага кодэкса Рэспублікі Беларусь, вылучаць прадстаўнікоў ва ўчастковыя выбарчыя камісіі пры правядзенні выбараў у мясцовыя Саветы дэпутатаў маюць права наступныя суб’екты: палітычныя партыі, іншыя грамадскія аб’яднанні; працоўныя калектывы арганізацый або калектывы іх структурных падраздзяленняў; грамадзяне шляхам падачы заяў.

Пры вылучэнні прадстаўніка ў склад адпаведнай камісіі ў Ганцавіцкі райвыканкам па 2 лютага 2014 года (уключна) прад’яўляюцца: пратакол пасяджэння кіруючага органа арганізацыйнай структуры (сходу пярвічнай арганізацыі) палітычнай партыі, іншага грамадскага аб’яднання; пратакол сходу выбаршчыкаў працоўнага калектыву; заява выбаршчыкаў аб вылучэнні прадстаўніка ў склад выбарчай камісіі.

Прыём дакументаў ажыццяўляецца ў рабочыя дні з 8.00 да 13.00 і з 14.00 да 17.00 па адрасе: 225432, г. Ганцавічы, вул. Кастрычніцкая, 1 (аддзел арганізацыйна-кадравай работы райвыканкама, кабінеты №№ 300, 301, тэл.: 2-27-86, 2-36-08).

Радыёэфір — для кандыдатаў

У распараджэнні кандыдатаў у дэпутаты мясцовых Саветаў, пачынаючы з раённых, будзе да 5 мінут на радыё для перадвыбарнай агітацыі. Адпаведнае палажэнне прынята на пасяджэнні Цэнтральнай камісіі Беларусі па выбарах і правядзенні рэспубліканскіх рэферэндумаў.

Кандыдатам у дэпутаты Мінскага гарадскога і Мінскага абласнога Саветаў дэпутатаў час для бясплатнага выступлення прадаставіць радыё “Сталіца”. Тым, хто прэтэндуе на месцы ў астатніх аблсаветах, да 5 мінут прадаставяць у эфіры абласных радыёпраграм. Пры гэтым кандыдаты ў дэпутаты абласных Саветаў маюць права папрасіць час для выступлення на раённым або гарадскім радыё.

Плануецца, што выбаршчыкі змогуць пачуць радыёвыступленні кандыдатаў з 24 лютага па 14 сакавіка з 18.00 да 19.00. Што датычыцца кандыдатаў у дэпутаты Палаты прадстаўнікоў, то іх выступленні прагучаць у гэтыя ж дні і ў той жа час на радыё, з 17.55 да 18.55 — на тэлебачанні. Час прадастаўляецца па жараб’ёўцы.

Прэтэндэнты на месца ў парламенце змогуць правесці тэледэбаты, пры ўмове што не менш чым два кандыдаты выкажуць жаданне ў іх удзельнічаць.

Варта нагадаць, што на мясцовых выбарах кандыдаты ў дэпутаты Саветаў раённага, гарадскога ўзроўню (гарадоў абласнога падпарадкавання) могуць утварыць асабістыя фонды ў памеры 10 базавых велічынь (цяпер адна базавая велічыня складае 130 тыс. рублёў), абласнога і Мінскага гарадскога Саветаў — 30 БВ.

Свой выбарчы фонд кандыдаты ў дэпутаты змогуць расходаваць на перадвыбарную агітацыю, у тым ліку на куплю дадаткова эфірнага часу, газетных плошчаў.

БелТА.