Таленавітыя дзеці

Прэмія са спецыяльнага фонду Прэзідэнта

Выпускніца гарадской гімназіі 2013 года Вераніка Ермаковіч заахвочана грашовай прэміяй са спецыяльнага фонду Прэзідэнта Рэспублікі Беларусь як пераможца 17-га Рэспубліканскага конкурсу даследчых работ навучэнцаў па вучэбных прадметах. Работа “Добраахвотная бяздзетнасць і дэмаграфічная бяспека: сацыяльныя, маральныя і эканамічныя аспекты” (кіраўнік Надзея Петручэня, настаўнік гісторыі гарадской гімназіі) узнагароджана дыпломам 1-й ступені на абласной канферэнцыі і дыпломам 3-й ступені па выніках рэспубліканскай канферэнцыі.

Зараз Вераніка вучыцца ў Гомельскім дзяржаўным універсітэце і ў будучым марыць стаць урачом-педыятрам, як і яе маці.

Таленавітыя дзеці

Каманда вучняў сярэдніх школ раёна з 13 па 17 студзеня прыняла ўдзел у трэцім этапе рэспубліканскай алімпіяды па вучэбных прадметах.

Усе рабяты выступілі дастойна, паказалі добрыя веды ў тэарэтычных і практычных турах. Некаму зусім трохі не хапіла да перамогі, нехта замацаваўся ў “залатой сярэдзіне”. Шчырыя словы ўдзячнасці і віншаванні адрасуем пераможцам і іх настаўнікам:

Аліне Гайцюкевіч — вучаніцы 8 класа СШ № 2 г. Ганцавічы, якая ўзнагароджана дыпломам 1-й ступені (абслугоўваючая праца), і яе настаўніцы Ліліі Кудравец;

Святлане Гардзей — вучаніцы 10 класа СШ № 1 г. Ганцавічы, узнагароджанай дыпломам 2-й ступені (грамадазнаўства), і яе настаўніцы Алене Крупеніч;

Аляксею Рублеўскаму — вучню 11 класа СШ № 1 г. Ганцавічы, узнагароджанаму дыпломам 3-й ступені (геаграфія), і яго настаўніцы Але Балацун;

Кірылу Апановічу — вучню 11 класа СШ № 3 г. Ганцавічы, узнагароджанаму дыпломам 3-й ступені (гісторыя), і яго настаўніцы Валянціне Амельяновіч;

Яўгеніі Пракапчук — вучаніцы 10 класа СШ № 3 г. Ганцавічы, узнагароджанай дыпломам 3-й ступені (руская мова), і яе настаўніцы Таццяне Плотка;

Лізавеце Тонка — вучаніцы 10 класа Чудзінскай СШ, узнагароджанай дыпломам 3-й ступені (беларуская мова), і яе настаўніцы Іне Валодзька.

Марына КЛІМАВЕЦ,

галоўны спецыяліст аддзела адукацыі, спорту і турызму

райвыканкама.