Пераможцы конкурсу

Як паведамлялася раней, з 11 па 25 снежня 2013 года праводзіўся конкурс на лепшае навагодняе афармленне арганізацый, устаноў горада, прадпрыемстваў усіх форм уласнасці, прыватных домаўладанняў. І, трэба адзначыць, што да ўпрыгожвання сваіх тэрыторый, вячэрняга асвятлення фасадаў адміністрацыйных будынкаў і ўласных дамоў многія падышлі творча. Камісія падвяла вынікі гэтага конкурсу, і на гарадской плошчы 1 студзеня былі агучаны яго пераможцы, якім уручаны дыпломы райвыканкама і каштоўныя падарункі.

Так, пераможцамі конкурсу на лепшае святочнае афармленне сталі: сярод прадпрыемстваў прамысловасці, жыллёва-камунальнай гаспадаркі — ДУВП “Ганцавіцкае ПМС” і ПБУП “Пінсксаўгасбуд — ПМК-14”; сярод прадпрыемстваў гандлю, грамадскага харчавання райспажыўтаварыства, аб’ектаў гандлю і паслуг малога прадпрымальніцтва — прыватнае прадпрыемства “СіБ” і райспажыўтаварыства; сярод абслугоўваючых прадпрыемстваў горада, транспарту, сувязі, бытавога абслугоўвання — раённы камбінат бытавога абслугоўвання; сярод устаноў адукацыі, аховы здароўя, культуры і спорту — ДУА “Сярэдняя школа № 3 г. Ганцавічы”, ДУА “Прафесійны ліцэй сельскагаспадарчай вытворчасці”, ДУА “Ганцавіцкая дапаможная школа-інтэрнат”.

У намінацыі на лепшае святочнае афармленне сярод уладальнікаў шматкватэрных жылых дамоў і прыватных домаўладанняў пераможцамі вызначаны: Андрэй Эдуардавіч Стральцоў і Таццяна Мікалаеўна Цвірка (г. Ганцавічы, вул. Нахімава, д. 5/1), а таксама Сяргей Мікалаевіч і Святлана Аляксандраўна Берташы (вул. Будаўнікоў, д. 15, кв. 13).

Да таго ж названы прадпрыемствы, арганізацыі, якія таксама вылучыліся ў навагоднім афармленні. Гэта КУШВП ЖКГ “Ганцавіцкая РЖКГ”, філіял КУП “Брэстаблдарбуд” “Ганцавіцкае ДРБУ-100”, КУВП “Ганцавіцкі КПД”, філіял РУВП “Брэстхлебпрам” Ганцавіцкі хлебазавод. Адзначаны і ўласнікі прыватнага жыллёвага фонду Зоя Аляксееўна Байда (вул. Арлоўскага, д. 20) і Мікалай Мікалаевіч Бараноўскі (вул. Маладзёжная, д. 1).

Уласн. інф.