У іх вучацца,іх паважаюць…

У гарадскім Доме культуры прайшоў урачысты сход, прысвечаны Дню настаўніка.

На пачатку мерапрыемства да педагогаў раёна звярнуўся старшыня раённага выканаўчага камітэта Аляксандр Саланевіч. Ён адзначыў, што Дзень настаўніка — гэта адно з самых хвалюючых свят для кожнага чалавека, таму што ўсе мы вучыліся ў школе і на наша станаўленне як асобы вялікую ролю адыгрывалі менавіта настаўнікі. Кіраўнік раёна выказаў словы падзякі ўсім педагогам раёна, а таксама пажадаў ім здароўя, творчых поспехаў і павагі вучняў.

Аляксандр Паўлавіч уручыў граматы раённага выканаўчага камітэта настаўніку пачатковых класаў ДУА “СШ № 2 г. Ганцавічы” І. М. Мяцельскай і выкладчыку агульнаадукацыйных дысцыплін УА “Ганцавіцкі дзяржаўны прафесійны ліцэй сельскагаспадарчай вытворчасці” Т. В. Палуян. Падзячныя пісьмы  райвыканкама з рук кіраўніка раёна атрымалі настаўнік рускай мовы і літаратурнага чытання ДУА “Ганцавіцкая дапаможная школа-інтэрнат” К. Ю. Баброўская і бібліятэкар ДУА “Люсінскі дзіцячы сад — сярэдняя школа” З. Р. Занька.

З віншаваннямі да ўсіх педагагічных работнікаў Ганцаўшчыны звярнулася і начальнік аддзела адукацыі, фізічнай культуры, спорту і турызму райвыканкама Надзея Здрок. Акрамя таго, Надзея Уладзіміраўна ўручыла граматы Міністэрства адукацыі Рэспублікі Беларусь настаўніку пачатковых класаў гімназіі г. Ганцавічы С. І. Дзенісеня, выхавальніку  ясляў-сада № 5 М. І. Заяц, настаўніку пачатковых класаў СШ № 1 Р. Б. Міхлюк і выхавальніку  ясляў-сада № 7 С. У. Фартавой. Таксама Н. У. Здрок узнагародзіла ганаровымі граматамі аддзела адукацыі, фізічнай культуры, спорту і турызму шматлікіх работнікаў устаноў адукацыі раёна, якія сваёй працай унеслі значны ўклад у развіццё сістэмы адукацыі раёна.

Самыя цёплыя словы ўдзячнасці ў адрас ветэранаў педагагічнай працы гучалі з вуснаў старшыні райкама прафсаюзаў работнікаў адукацыі і навукі Юрыя Андрэйчыка. Ён таксама ўручыў падзячныя пісьмы і падарункі ўпраўлення адукацыі аблвыканкама і абласнога камітэта прафсаюзаў работнікаў адукацыі і навукі. Іх удастоены заслужаныя настаўнікі Рэспублікі Беларусь Любоў Кліменцьеўна Вярбіцкая, Марыя Міхайлаўна Курловіч, Марыя Ігнацьеўна Антошчанка і Паліна Уладзіміраўна Новік.

Да прысутных у зале настаўнікаў са сцэны таксама звярталіся старшыня раённай арганізацыі “Белая Русь” Віктар Супрун, ветэран педагагічнай працы Марыя Паўловіч і іншыя калегі з устаноў адукацыі Ганцаўшчыны.

Тое, што настаўнікі — людзі творчыя, пацвердзілі і музычныя нумары ў іх выкананні, якія гучалі са сцэны ГДК для ўсіх прысутных. Не засталіся ўбаку і вучні, якія сваімі цудоўнымі творчымі нумарамі падарылі настаўнікам сапраўднае свята.

Уладзімір САКАЛОЎ.

Фота Алы ПЯТЛІЦКАЙ.