Дарагія парафіяне і ўсе тыя, хто радуецца з Нараджэння Езуса Хрыста!

Існуе шмат цудоўных месяцаў на працягу года, але найлепшы з іх - снежань. Гэты месяц асабліва любяць людзі, бо перад усім абменьваюцца падарункамі, ставіцца ёлка, можна паслізгацца з горкі на санках альбо зляпіць снегавіка.

У гэты цудоўны святочны час прыходзіць на свет Езус, каб вызваліць яго ад грахоў. Ён хоча пасяліцца менавіта ў сэрцы кожнага з нас, таму нам варта прыгатаваць яму месца. У сэрцы, у якім шмат супярэчнасцей і, бывае, мала сапраўднай любові. Менавіта да такога сэрца прагне прыйсці Езус, бо Яму залежыць на табе і мне. Ён хоча прыйсці да сэрца, якое, магчыма, плача і рыдае, да сэрца, якое хоча кахаць і быць каханым, таму што толькі Ён можа супакоіць кожны твой боль.

Езус прыходзіць у гэтую адну-адзіную ноч на свеце да цябе, да мяне і пытае: «Ці хочаш?» Ён сам хоча ахвяраваць нам сваю Любоў, каб мы навучыліся накіроўваць да яго свае пачуцці. Таксама Ён прыносіць Веру і просіць, каб ты не вагаўся адкрыць сваё сэрца, каб тваё жыццё мела цвёрдую апору і каб пры жыцці ўжо не памірала. Ён прагне распаліць у тваім сэрцы Надзею, каб ты не сумняваўся, але толькі радаваўся жыццю. Бо, хоць часам табе цяжка і дрэнна, заўсёды ёсць Той, Хто цябе любіць.

Дык няхай у гэтую выключную ноч маленькі Езус прыйдзе да цябе і пранікне ў тваё сэрца. Няхай адорыць цябе сваім цяплом і няхай з Ім табе нічога не бракуе ў надыходзячым Новым годзе. Няхай адорыць супакоем тваё сэрца, нягледзячы на сумненні і безлічныя пытанні, таму што веданне Ягонай волі прыходзіць у цішыні, а не ў крыку.

Благаслаўлення Божага Дзіцяці!

З паважаннем, кс. канонік Тадэвуш Альшэўскі, настаяцель Рымска-каталіцкага прыхода ім. Багародзіцы ў Брэсце, дэкан Брэсцкі і святары Брэсцкага дэканата.