Берасцейка» - гучыць пяшчотна і ласкава

«Берасцейка» - гучыць пяшчотна і ласкава. Менавіта так, як аб прыгожай жанчыне, хочацца казаць пра народны калектыў з беларускага горада Брэста, які з’яўляецца культурнай сталіцай Беларусі 2015. 

Культурная праграма гэтага ансамбля стала ўпрыгожваннем афіцыйнага візіта дэлегацыі адміністрацыі Маскоўскага раёна Брэста пад кіраўніцтвам Вадзіма Васільевіча Краўчука ў Славацкую Рэспубліку.

Візіт адбыўся з 21 па 23 жніўня 2015 года, а падставай для яго сталі партнёрскія адносіны гарадоў-пабрацімаў Брэста і Вранава над Топляй. Па запрашэнню мэра Яна Рагана берасцейцы ўдзельнічалі ў святкаванні Дня горада. Таксама адбыліся дзелавыя сустрэчы з дэлегацыямі з Польшчы, Вугоршчыны, Чэхіі.

Народны ансамбль песні і танца «Берасцейка» варта прадставіў нашу краіну ў межах шырокай праграмы святкавання.

Выступ беларускага калектыва падкрэсліў, што мастацтва аб’ядноўвае народы ўсяго свету. Аб гэтым вельмі яскрава сведчыць гасцінны прыём жыхарамі славацкага горада Вранава над Топляй берасцейскага ансамбля песні і пляскі «Берасцейка».

Вельмі прыгожыя касцюмы, мізансцэны, якія пастаянна мяняліся, рэпертуар ансамбля - народныя беларускія, украінскія, рускія песні і пляскі, а таксама сучасныя лірычныя песні выклікалі захапленне і зачараванне.

Як распавядалі ўдзельніцы брэсцкай дэлегацыі Яўгенія Дамброўская і Васіль Карнелюк, славацкі горад-пабрацім Вранаў над Топляй святкаваў дзень горада. Выступ нашага калектыву прыйшоўся па душы. Гледачы віталі выступ «Берасцейкі» стоячы, пад буру апладысментаў, хоць там гэта не прынята. А словы нашых песень былі чутныя паўсюль, асабліва гэтыя: «Палюбіць Беларусь проста – трэба толькі прыехаць сюды».

Народны ансамбль песні і танца «Берасцейка» - гэта калектыў, у якім жыве натхненне, творчасць, любоў да роднай Беларусі і проста чалавечая дабрыня. Усё гэта багацце перадаецца ў дар бязвыплатна ў выступах, радуючы людзей усяго свету. Выступы гэтага выдатнага калектыву - цудоўнае спалучэнне аркестра, хора і танцавальнай групы, якое ўяўляе незабыўны трыумф музыкі, песні і танца, у якіх, як у гладзі беларускіх азёр, адлюстроўваецца быт і культура роднай Беларусі і народаў былога СССР.

Створаны ў часы Савецкага Саюза - у 1968 годзе - работнікамі Брэсцкага электрамеханічнага завода, ансамбль у 1971 годзе атрымаў званне «Народны самадзейны калектыў». Такое ганаровае званне падкрэсліла прызнанне прафесіяналізма, творчага патэнцыялу, незвычайнасць народна-песеннага і танцавальнага рэпертуара. Самае галоўнае, што ўдзельнікі ансамбля і яго кіраўнікі змаглі захаваць векавыя традыцыі беларускага мастацтва ў гэты нялёгкі перыяд гісторыі нашай Беларусі.

Ансамбль песні і танца «Берасцейка» - гэта яскравы прыклад вельмі працяглай, прызнанай творчай і прафесійнай дзейнасці. Удзел у культурнай праграме маскоўскай Алімпіяды стаў для ансамбля заслужанай ацэнкай працы ўсяго калектыву. Тысячы прыхільнікаў народнай творчасці цёпла сустрэлі «Берасцейку» на Ўсесаюзным фестывалі народнай творчасці ў Крамлёўскім палацы з’ездаў. Калектыў з поспехам выступаў на лепшых сцэнах Адэсы, Рыгі, Каунаса, Батумі, Казані і іншых вялікіх і малых гарадоў. Творчыя кантакты і сяброўскія сувязі з’явіліся ў ансамбля дзякуючы выступам у Польшчы, Югаславіі, Бельгіі, Германіі, Балгарыі, Францыі, Грэцыі, Іспаніі і іншых краін:

1990 г. - ансамбль стаў лаўрэатам міжнароднага фестываля ў бельгійскім горадзе Намюр.

1992 г. - фантастычны поспех на Міжнародным фестывалі фальклору ў Дзіжоне (Францыя). «Берасцейка» адзначана адразу двума прызамі: прызам журы «Радасць жыцця» і Гран-пры глядацкіх сімпатый.

1993 г. - калектыў атрымаў ганаровае званне лаўрэата і прыз «Прыгожыя і моцныя галасы» (Рэймз, Францыя).

1994-1995 гг. - удзел у дабрачыннай акцыі фонда дапамогі дзецям Чарнобыля (Германія).

1996 г. - у «Берасцейкі» з’явілася шмат удзячных прыхільнікаў на Атлантычным узбярэжжы Францыі ў час правядзення фестывалю Jeux Santons.

2000 г. - велізарны поспех на C.I.O.F.F. фестывалях у Грэцыі.

2002 г. - у Іспаніі «Берасцейка» была прызнана лепшым калектывам на фестывалях у Барселоне і Валенсііі.

2003 г. - паспяховыя выступы на фестывалях C.I.O.F.F. у Германіі.

2006 - 2008 гг. - удзел у дабрачыннай акцыі Фонда дапамогі дзецям Чарнобыля (Германія).

28 мая - 4 чэрвеня 2008 г. - удзел у дабрачыннай місіі ў Германіі.

26 чэрвеня 2008 г. - удзел у адкрыцці сумеснага беларуска-германскага прадпрыемства.

28 чэрвеня 2008 г. - удзел у свяце мікрараёна Кавалёва ў Брэсце.

3 ліпеня 2008 г. - удзел у канцэрце, прысвечаным Дню незалежнасці Беларусі.

5 чэрвеня 2009 года - юбілейны канцэрт, прысвечаны 40-годдзю ансамбля «Берасцейка».

Гэты спіс выступаў і тытулаў можна прадоўжыць. Але ў дадзеным артыкуле аўтары не ставяць перад сабой такой мэты, а хочуць толькі паказаць геаграфію ўдзелу гэтага слыннага ансамбля пад кіраўніцтвам балетмайстра Леаніда Фейгіна, кіраўніка аркестра Уладзіміра Савацеява, кіраўніка харавой групы Валерыя Баркова.

Зараз калектыў перажывае няпросты для творчасці час. Асноўная база - Брэсцкі электрамеханічны завод мае вялікія эканамічныя праблемы. Узнікла пытанне аб утрыманні і фінансаванні калектыва «Берасцейкі» - скарочаны стаўкі кіраўнікоў.

Вельмі хочацца спадзявацца, што кіраўніцтва горада зацікавіцца гэтай праблемай і дапаможа калектыву, і маючы адбыцца юбілей «Берасцейка» адзначыць варта. Так, па традыцыі, пажадаем ансамблю поспехаў, цёплых прыёмаў гледачоў і поспехаў.