Прагавор салігорскаму міліцыянту

Сёньня ў 10:30 будзе агучаны судовы прыгавор па справе прапаршчыка Патрульна паставой службы Салігорскага РАУС Пісарчынка Н. Н. У ноч зь 7-га на 8-га кастрычніка ён, знаходзячыся за стырном аўто ў стане алькагольнага ап'яненьня, зьбіў маладзёна ў раёне вакзала. Маладзён памёр.

Нагадаем, у тую ноч, адразу пасьля аварыі, пьяны міліцыянт пакінуў месца ДТЗ, патэлефанваў жонцы і тая, апранутая ледзь не ў халат ды тапкі, села ў аўто ды накіравалася на месца ДТЗ. Жанчына заявіла, што за стырном была яна, але праваахоўным органам удалося знайсьці сьведкаў ды аднавіць рэальную хаду падзеяў. Па гарачым сьлядам быў затрыманы прапаршчык Пісарчынка Н. Н. і зьмешчаны ў сьледчы ізалятар.

Як паведамляў учора наш сайт, на судовым паседжаньні Пісарчынка цалкам прызнаў сваю віну, а таксама пагадзіўся з матэрыяльнымі прытэнзіямі родных загінулага. Як высьветлілася пад час судовага паседжаньня, у крыві міліцыянта пад час здарэньня было 2,3 - 2,6 праміляў алькаголю. Зрэшты, зьбіты маладзён таксама знаходзіўся ў стане алькагольнага апьяненьня. Экспэртыза паказала больш за 3,4 прамілі алькаголю і ў ягонай крыві. Да таго ж маладзён ў момант ДТЗ знаходзіўся ў самым цэнтры праезджай часткі, літаральна ў 30 сантымэтрах ад двайной суцэльнай лініі дарожнай разьметкі. Варта адзначыць, што зьбіты маладзён ішоў па дарозе са сваім сябрам, але літаральна за момант да сутыкненьня, ён адчуў гул набліжаючагася аўто ды выштурхнуў сябра ўбок, а сам быў зьбіты.

Як адзначыў сам пракурор пад час агучваньня абвінавачваньня, калі б прапаршчык Пісарчынка быў цьвярозы ды не пакінуў месца ДТЗ, дык справа выглядала зусім па іншыам. У выніку абвінаўца запатрбаваў пакараць падсуднага 4 гадамі і 8 месяцамі зьняволеньня, а таксама выплаціць сям'і загінулага хлопца 20 мільёнаў рублёў. Агучаныя лічбы шакавалі Пісарчука, каторы, мабыць, разьлічваў на значна меншыя апэтыты пракурора. Блізкія ды сябры загінулага хлопца наадварот палічылі гэткі тэрмін за, па сутнасьці, забойства маладзёна занадта лагодным. Але, як адзначыў сам пракурор, за апошнія гады ў аналягічных выпадках судамі Рэспублікі Беларусь абвінавачаных каралі тэрамінамі ад 4 да 6 гадоў зьняволеньня.

Канчатковае рашэньня Салігорскага суда будзе агучана сёньня ў 10:30. Сайт САЛІГОРСК.org адразу паведаміць аб выніковым заключэньні.

Алесь Міхалок