Кніга жыве і будзе жыць!

cherven.by Новости Червеня | 12-02-2014

У гэтым яшчэ раз упэўніўся, наведаўшы выставу. Электронным СМІ яе не перамагчы. Дзяржавы, у якіх значнае развіццё атрымалі інтэрнэт і іншыя электронныя тэхналогіі, дэманструюць на выставе і высокі ўзровень выдавецкай справы: кнігі на любы густ у мацнейшым мастацкім аздабленні. Германія, Італія, Францыя, ЗША, Кітай — усіх не пералічыць. Пазнаёміўся з выданнямі Пакістана, Ірана, Сірыі, Кубы, Венесуэлы. Шмат цікавага і карыснага ўбачыў у іхніх кнігах.

Мора людзей, кірмаш шуміць па-дзелавому, і ў той жа час святочна. Тут трэба адзначыць стэнды выдавецкага дома “Звязда”, “Чатыры чвэрці”. Яны наведвальнікам прапаноўвалі не толькі кніжкі, але і канцэрты артыстаў, якімі запальвалі слухачоў. Непасрэдна выступалі паэты, празаікі, барды. Выдавецкі дом “Звязда” 6 лютага наладзіў прэзентацыю кніг Адама Мальдзіса, Людмілы Рублеўскай, Алеся Карлюкевіча, а таксама і маю. Меў магчымасць з імі паразмаўляць. Выступіў і перад наведвальнікамі.

Шырока прадстаўлены былі расійскія выдавецтвы. Парадаваўся і за родныя нашы беларускія. Іх выданні адзначаны высокай якасцю, на мой асабісты погляд, пераўзыходзяць замежныя.

Сустрэў на выставе шмат цікавых людзей. У прыватнасці, Уладзіміра Ліхадзедава. Яго выстава фотаздымкаў, паштовак выклікала ў мяне пачуцці гонару за нашых людзей, за іх адданасць нашай гісторыі.

Спаткаў і чалавека, якога добра ведаюць жыхары Смілавічаў — муфція мусульман Беларусі Абу-Бекіра Шабановіча. На здымку вы можаце яго ўбачыць каля адной з выстаў.

Несумненна, у Год гасціннасці выстава набыла асаблівую цеплыню, яркасць, значнасць. Нам ёсць чым ганарыцца.

Іван ЯРАШЭВІЧ, г.п.Смілавічы.

Фота аўтара

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?