ДЛЯ ДЗЯЦЕЙ З ПРЫТУЛКУ ЦУДЫ РОБІМ САМІ…

cherven.by Новости Червеня | 22-01-2014

Час вельмі хуткаплынны… Праца, дом… Мы спяшаемся па важных справах, праходзім міма адзін аднаго, забываючыся на тых, каму трэба такая дробязь – усяго толькі ласкавае слова, добры пагляд, ветлівая ўсмешка… І гэта не таму, што вакол бессардэчныя людзі. Не! Проста сучасны рытм жыцця настолькі хуткі, што не дае нам адчуць усю значнасць і адказнасць за тое, што адбываецца вакол нас.

А на самай справе, стаць добрым чараўніком вельмі проста! Пры гэтым не трэба прыкладаць асаблівых намаганняў і выдаткаў. Дастаткова проста стварыць цуд, казку – і вось вам чарадзейства. Яго і вырашылі зрабіць гурткоўцы і супрацоўнікі Смілавіцкага гарпасялковага Дома культуры. Мы зноў вырашылі парадаваць дзяцей з мясцовага прытулку, падараваць ім добры настрой і, вядома, выдатную навагоднюю казку.

Дзеці заўсёды сустракаюць нас са сваім прывітаннем – вершамі, песнямі, танцамі… А мы для іх рыхтуем навагодні спектакль, гульні, конкурсы, прысмакі ад Дзеда Мароза… Вялікі дзякуй старшыні Смілавіцкага пасялковага выканкама Ірыне Пятроўне Марціновіч! Яна заўсёды дапамагае нам з салодкімі падарункамі, супрацоўнічае з арганізацыямі, якія іх выдзяляюць.

Кожны раз, калі мы прыходзім да гэтых дзяцей, дык і самі атрымліваем пазітыў. На душы становіцца так добра, бо мы ведаем – мы ім патрэбныя! Вось ён, цуд! Такі маленькі, але такі неабходны…

Любоў ГАЎРЫЛОВІЧ,

мастацкі кіраўнік Смілавіцкага

гарпасялковага Дома культуры.

Фота аўтара

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?