ПРЫЧАКАЛІ НОВЫ ГОД

cherven.by Новости Червеня | 04-01-2014

У нашым Цэнтры сустрэча Новага года — адно з галоўных святаў. На ім не толькі спяваюць, таньчаць, гуляюць і забаўляюцца, але і падводзяць вынікі мінулага года, а таксама імкнуцца зрабіць свята для тых дзяцей, якія трапілі ў складаную жыццёвую сітуацыю і апынуліся ў раённым сацыяльным дзіцячым прытулку. Ужо стала традыцыяй арганізоўваць навагодні карнавал у выхадны дзень, прыцягваючы, такім чынам, усё большую колькасць дзяцей і дарослых да ўдзелу ў ім.

Галоўныя героі свята сёлетняга — Марожанка, Хлапушка, Дзед Мароз і Снягурка — запрашалі дзяцей і дарослых узяць удзел у вясёлых навагодніх забавах і карагодах, праспяваць і станцаваць, праявіць усе свае таленты. Але галоўнымі героямі сталі і дзеці з раённага дзіцячага сацыяльнага прытулку. Менавіта для іх гучалі віншаванні не толькі Дзеда Мароза і Снягуркі, але і іншых казачных персанажаў .

Усе прысутныя чакалі радаснага моманту – атрымання навагодніх падарункаў ад Дзеда Мароза. І ён — надышоў! Самым актыўным, самым творчым і самым працавітым дзецям, а іх колькасць у гэтым годзе склала 200 чалавек, Снягурка і Дзед Мароз уручылі салодкія падарункі. Завяршылі свята дыскатэка і салодкі стол у навагодняй кавярні «У гаспадынькі». Аднак навагодні карнавал – гэта толькі пачатак чарады святочных гульнявых і канцэртных праграм, якія чакаюць дзяцей у найбліжэйшай будучыні. Гэта і Каляды, і стары Новы год, і Масленіца… З новым 2014-ым годам, сябры!

Ала ШЫДЛОЎСКАЯ, дырэктар Цэнтра творчасці дзяцей і моладзі г.п.Смілавічы

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?