«ДЗІЦЯЧЫ САДОК» ТАЦЦЯНЫ КУШНЯРУК

cherven.by Новости Червеня | 20-12-2013

Сама яна з вёскі Язоўкі, працуе на МТФ «Дубнікі». Даглядае цялят ўзростам ад двух да шасці месяцаў.

Поруч з ёй — муж Сяргей, з якім жывуць разам ужо трэці дзясятак гадоў. Трыста галоў маленькіх цялятак даглядаюць удваіх. На працу ездзяць на ўласным аўтамабілі.

Таццяна параўноўвае сваю работу са своеасаблівым дзіцячым садком. Гаворыць:»Хаця гэта і жывёлы, але яны таксама патрабуюць увагі, пяшчоты, клопату. Трэба і накарміць, і папаіць, і дагледзець…»

Акрамя фермы, Таццяне хапае клопатаў і дома. Ва ўласнай гаспадарцы ёсць конік, з дапамогай якога спраўна ладзіцца праца не толькі на асабістым зямельным участку, але і ў суседзяў.

У сям’і Кушнярук двое дзяцей — старэйшы сын Вова адслужыў у арміі і ўжо працуе, дачка Вольга вучыцца ў вышэйшай установе на платным аддзяленні. Таму бацькі «лішнюю капейку» на сябе не марнуюць, а аддаюць дачцэ.

У працы жывёлавода, як і ў іншых, ёсць матэрыяльная заахвочанасць, што павялічвае цікавасць да працы. Калі цялят узважваюць, падводзяць вынікі. Таму Таццяна клапоціцца пра тое, каб былі большымі прывагі яе падапечных.

Праца ў жывёлаводаў цяжкая, асабліва зімой. Але Таццяна заўсёды спяшаецца на ферму, бо непакоіцца за сваіх «дзетак». Усміхаючыся, кажа, што гэта на першы погляд яны аднолькавыя. А яна ведае адметнасці кожнага, характар. Прывыкае да іх, назірае як растуць яе “любімчыкі”.

Цяжкасцяў Таццяна не баіцца, бо вырасла ў вёсцы, усё жыццё працавала на зямлі. Заўсёды дапамагала маці па гаспадарцы, таму праца знаёмая. На пытанне аб змене прафесіі кажа, што пакуль дазваляе здароўе, яе не памяняе.

Кацярына ШУМКО.

Фота аўтара

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?