ШКОЛЬНІКАМ РАСПАВЯЛІ ПРА СВЯТЫНІ

cherven.by Новости Червеня | 20-12-2013

На чарговае пасяджэнне клуба «Маладзёжнае перакрыжаванне» па тэме «Праваслаўныя святыні беларускага народа» завіталі вучні 9 «Б» класа СШ №4 г.Чэрвеня разам са сваім класным кіраўніком Ганнай Мікалаеўнай Савайтан.

Як заўсёды, цікавым і павучальным атрымалася выступленне нашай госці – настаўніцы нядзельнай школы Свята-Мікалаеўскай царквы Валянціны Усенка. Яна грунтоўна і змястоўна распавяла пра паходжанне Ігумена і маці-ігуменню, пра заснаванне Жыровіцкага манастыра і з’яўленне Жыровіцкага абраза Божай Маці, пра з’яўленне Бялыніцкага абраза Божай Маці і паходжанне назвы «Бялынічы»…

Таксама зацікавіў усіх аповед Валянціны Іванаўны пра абраз Божай Маці, які знаходзіцца ў нашай Свята-Мікалаеўскай царкве. Ён быў перададзены сюды жыхаркай г.Чэрвеня, якая памятала яшчэ дарэвалюцыйную царкву ў нашым горадзе.

Валянціна Усенка распавяла пра адметнасці Мінска і Валянціну Мінскую, якая дапамагала людзям яшчэ пры жыцці. А зараз вернікі наведваюць месца яе пахавання, просяць аб вылячэнні.

Школьнікі паўдзельнічалі ў віктарыне, прысвечанай Ефрасінні Полацкай, паглядзелі відэафільм пра апостала Андрэя Першазваннага, пра падарожжа яго крыжа.

Напрыканцы мерапрыемства загадчыца аддзела абслугоўвання і інфармацыі Святлана Ждановіч пазнаёміла прысутных з перыядычнымі выданнямі, якія выпісвае бібліятэка.

Наталля МАЛАНКА,

бібліятэкар аддзела бібліятэчнага маркетынгу

Чэрвеньскай ЦРБ

Заметили ошибку? Выделите текст, нажмите Ctrl+Enter и оставьте замечание!

Написать комментарий

Информация

Чтобы написать комментарий вам нужно авторизоваться или зарегистрироваться

Обращались ли вы за помощью в милицию?