КОЛЬКАСЦЬ НАСЕЛЬНІЦТВА БЕЛАРУСІ НА 1 ЛІСТАПАДА СКЛАЛА 9 МЛН. 467,2 ТЫС. ЧАЛАВЕК

Натуральнае змяншэнне насельніцтва ў студзені-кастрычніку бягучага года зменшылася ў параўнанні з адпаведным перыядам мінулага года на 34,2 працэнта і склала 6 тыс. 32 чалавекі. Міграцыйны прырост за студзень-кастрычнік 2013 года дасягнуў 9 тыс. 428 чалавек (павялічыўся ў параўнанні з аналагічным перыядам 2012 года на 2 тыс. 398 чалавек, або на 34,1 працэнта) і кампенсаваў натуральнае змяншэнне насельніцтва, забяспечыўшы павелічэнне колькасці насельніцтва ў параўнанні з пачаткам года на 3,4 тыс. чалавек.

Колькасць жыхароў за студзень-кастрычнік павялічылася ў Мінску – з 1 млн. 901 тыс. чалавек на 1 студзеня да 1 млн. 917,3 тыс. на 1 лістапада, а таксама ў Мінскай вобласці – з 1 млн. 401,9 тыс. да 1 млн. 403,3 тыс. чалавек адпаведна. У астатніх рэгіёнах рэспублікі колькасць жыхароў за гэты час зменшылася. У выніку на 1 лістапада ў Гомельскай вобласці налічвалася 1 млн. 425,6 тыс. чалавек, у Брэсцкай – 1 млн. 389,2 тыс., у Віцебскай – 1 млн. 202,7 тыс., у Магілёўскай – 1 млн. 73,8 тыс., у Гродзенскай – 1 млн. 55,3 тыс. чалавек.

У студзені-кастрычніку гэтага года нарадзілася 99 тыс. 499 дзяцей, памерлі – 105 тыс. 531 чалавек. У цэлым па краіне ў студзені-кастрычніку 2013 года колькасць памерлых перавысіла колькасць народжаных на 6,1 працэнта.

Агульны каэфіцыент нараджальнасці за 10 месяцаў у цэлым па рэспубліцы склаў 12,6 на 1 тыс. жыхароў. Сярод рэгіёнаў краіны самы высокі гэты паказчык – у Мінскай і Брэсцкай абласцях, а самы нізкі – у Віцебскай вобласці.

Агульны каэфіцыент смяротнасці за 10 месяцаў бягучага года быў роўны 13,4 на 1 тыс. насельніцтва. Сярод рэгіёнаў краіны самы высокі гэты паказчык – у Віцебскай і Мінскай абласцях, самы нізкі – у Мінску.

БелТА