І ПЕДАГОГІ, І АРТЫСТЫ

У гарадскім Доме культуры ў мінулы аўторак прайшоў гала-канцэрт пад назвай “Мы — таленты!”.

Нагадаем, што сам фестываль “Мы — таленты!”, у якім удзельнічалі выключна работнікі ўстаноў адукацыі Ганцаўшчыны, прайшоў крыху раней. А яго вынікі былі падведзены падчас гала-канцэрта. Настаўнікі, выхавальнікі, бібліятэкары і іншыя работнікі з навучальных устаноў раёна даказалі прысутным, што іх таленты не абмяжоўваюцца толькі педагагічнай работай — яны здольны здзівіць гледачоў і сваімі цудоўнымі нумарамі мастацкай самадзейнасці. Дарэчы, гледачоў у гэты дзень у ГДК сабралася поўная зала, якія бурнымі апладысментамі віталі кожнае выступленне педработнікаў.

Пасля заканчэння гала-канцэрта начальнік аддзела адукацыі райвыканкама Надзея Уладзіміраўна Здрок ва ўрачыстай абстаноўцы ўручыла лепшым педагогам-артыстам, фіналістам раённага фестывалю “Мы — таленты!” граматы аддзела адукацыі. У асобных намінацыях былі вызначаны і пераможцы.

Так, у намінацыі “Лепшы дэбют” пераможцай стала намеснік дырэктара па выхаваўчай рабоце СШ № 1 Аксана Іванаўна Занька. У намінацыі “Вакальная творчасць” было некалькі пераможцаў: Кацярына Аляксандраўна Ісаева — педагог дадатковай адукацыі РЦДЮТ, Юлія Казіміраўна Лентнер — педагог дадатковай адукацыі СШ № 3, Ала Аляксандраўна Ясько — музычны кіраўнік ясляў-сада № 2 г. Ганцавічы, Іван Міхайлавіч Бондар — настаўнік матэматыкі і фізікі Любашаўскай БШ, а таксама творчы калектыў “Забава” ясляў-сада № 2 г. Ганцавічы і вакальная група ясляў-сада № 4 г. Ганцавічы.

Творчая група настаўнікаў Люсінскага дзіцячага сада — сярэдняй школы перамагла ў намінацыі “Вакальна-харэаграфічная творчасць”. Творчы калектыў з гэтай жа навучальнай установы стаў пераможцам у намінацыі “Лепшая праграма”. Як і педагогі з Люсіна: у намінацыі “Канферанс” настаўнік інфарматыкі Аляксандр Іванавіч Занька і настаўнік беларускай мовы і літаратуры Наталля Рыгораўна Савеня, а ў намінацыі “На гумарыстычнай хвалі” — настаўнік замежнай мовы Галіна Мікалаеўна Серада. Яшчэ адным пераможцам у апошняй намінацыі стаў Віктар Міхайлавіч Супрун — дырэктар Малькавіцкай СШ. У патрыятычнай намінацыі “Да цябе, Беларусь!” лепшым стаў творчы калектыў з Хатыніцкай СШ, а Наталля Аляксандраўна Шыдлоўская, выхавальнік ясляў-сада № 1 г. Ганцавічы, перамагла ў намінацыі “Паэтычны дэбют”.

Назіраючы за тым, як выступалі на сцэне педагогі, лішні раз переконваешся: гэтыя людзі таленавітыя ва ўсім!

Уладзімір САКАЛОЎ.

НА ЗДЫМКУ: музычны нумар у выкананні артыстаў з Будчанскага ясляў-сада — сярэдняй школы.

Фота аўтара.