Ганцевчане побывали на Днях белорусской и шведской литературы в Львове

Незабыўныя ўражанні  і ўспаміны  пакінула пасля сябе вандроўка Яўгеніі Пракапчук, удзельніцы ўзорнага літаратурнага аб’яднання

“Верасок” РЦДЮТ,  і яго кіраўніка  Галіны Пупач ва Украіну, горад Львоў, дзе 17 — 19 мая ладзіліся  Дні беларускай і шведскай літаратуры.

Семінары, літаратурна-музычныя вечарыны  праходзілі  з удзелам  сучасных    літаратараў  са Швецыі, беларускіх і берасцейскіх пісьменнікаў і паэтаў. Большая частка мерапрыемстваў праходзіла пад дахам  старога, утульнага Львоўскага акадэ-мічнага тэатра імя Лэся  Курбаса. У рамках  літаратурных дзён быў арганізаваны конкурс “Свабодны мікрафон”, які дазволіў кожнаму з удзельнікаў прачытаць свой любімы верш па-беларуску. У яго рабоце ўдзельнічала і  Яўгенія. Яна чытала  свой верш “Мова”, а таксама  творы любімага паэта  Алеся Каско. На літаратурна-музычнай вечарыне дзяўчына  чытала свой верш “Адзінота”, які і прынёс ёй перамогу ў абласным конкурсе сярод юных талентаў краю.  Цішыня, удумлівыя і неабыякавыя погляды прысутных былі пацвярджэннем таго, што  паэтычная творчасць дзяўчыны па праву прызнана на Берасцейшчыне лепшай.

У ходзе  Дзён беларускай і шведскай літаратуры   была магчымасць пазнаёміцца з горадам, яго адметнымі, гістарычнымі мясцінамі. Сумнай і шчымлівай атрымалася сустрэча з  Нацыянальным музеем, а менавіта з мемарыялам ахвярам  акупацыйных рэжымаў Другой сусветнай вайны.  Трапілі  госці літаратурнай вандроўкі  на Львоўскі міжнародны дзіцячы фестываль, дзе праходзілі кірмаш дэкаратыўна-прыкладнога мастацтва, тэатралізаваныя прадстаўленні,  выступленні лялечнага тэатра, сустрэчы з пісьменнікамі і паэтамі і г.д.

Усе тры дні  з вуснаў шведскіх і беларускіх пісьменнікаў, спевакоў, перакладчыкаў гучала непаўторная беларускай мова. Яна грэла душу і чамусьці засмучала  яе…

Аксана ПУПАЧ.

Фото Галины Пупач.