ОАО “Модуль»: процедура санации – выход из кризиса

Гаспадарчы суд Брэсцкай вобласці 20 сакавіка прыняў рашэнне аб адкрыцці конкурснай вытворчасці па банкруцтву ААТ “Модуль”.

Аб цяжкай фінансавай сітуацыі на прадпрыемстве “СП” пісала неаднойчы.  На ААТ “Модуль” быў рэалізаваны інвестыцыйны праект, які даваў магчымасць выйсці на зусім іншы ўзровень гаспадарання. Але з-за дэвальвацыі рубля ўзніклі сур’ёзныя праблемы, бо на мадэрнізацыю і набыццё абсталявання браліся валютныя крэдыты. У выніку запазычанасць па іх у беларускіх рублях вырасла амаль у тры разы. Аплата крэдытаў і працэнтаў па іх прывяла да таго, што прадпрыемства засталося без абаротных сродкаў для ажыццяўлення гаспадарчай дзейнасці і на сённяшні дзень яно вінавата па ўсіх відах плацяжоў ужо звыш 60 мільярдаў рублёў.  

Дарэчы, на прэс-канферэнцыі на пачатку года кіраўнік раёна Аляксандр Паўлавіч Саланевіч узнімаў пытанне працэдуры санацыі на ААТ “Модуль” як адзін з аптымальных выхадаў з сітуацыі. Бо ў гэтым выпадку ўсе запазычанасці замарожваюцца тэрмінам да 5 гадоў і прадпрыемства можа пачаць працаваць, як гавораць, з чыстага ліста.

Як адзначыў у размове назначаны на ААТ “Модуль” антыкрызісны ўпраўляючы Павел Уладзіміравіч Заяц, на працягу 3 месяцаў з пачатку адкрыцця конкурснай вытворчасці па банкруцтву будзе вывучана фінансава-гаспадарчая дзейнасць прадпрыемства і потым разгледжана ў Гаспадарчым судзе з мэтай прыняцця рашэння аб ліквідацыі ці пачатку працэдуры санацыі. “Будзем рабіць усё магчымае, каб захаваць прадпрыемства”, — адзначыў Павел Уладзіміравіч. Для гэтага ёсць падствы, бо на ААТ “Модуль” устаноўлена сучаснае абсталяванне і  наладжана вытворчасць прадукцыі, запатрабаванай на ўнутраным і знешнім рынках,  а таксама яшчэ захаваўся калектыў кваліфікаваных спецыялістаў. Безумоўна, да прыняцця Гаспадарчым судом канчатковага рашэння і аднаўлення работы прадпрыемства частка работнікаў можа пакінуць яго, але, як ужо неаднаразова бывала, пры загрузцы вытворчых магутнасцей спецыялісты зноў вернуцца ў калектыў.  

Нагадаем, што ў свой час паспяхова працэдуру санацыі ўжо прайшло КУВП “Ганцавіцкі КПД” і па эканамічных паказчыках на сённяшні дзень з’яўляецца адным з самых стабільна працуючых прадпрыемстваў раёна. Таксама дадзены рэальны шанц на аднаўленне такім чынам і будаўнічай арганізацыі ПМК-7.

Павел СВІСТУНОВІЧ.