Жизненный путь самой известной белорусской пловчихи Александры Герасименя связан с деревней Будча Ганцевичского района

Адгучалі апошнія акорды велічнага спартыўнага свята — Трыццатых летніх Алімпійскіх гульняў у Лондане, якія на працягу 16 дзён прыцягвалі пільную ўвагу мільёнаў балельшчыкаў і сродкаў масавай інфармацыі па ўсім свеце. Удзельнікі Алімпіяды вярнуліся ў свае краіны і пачынаюць паступова ўваходзіць у адладжаны трэніровачны рытм, рыхтавацца да новых стартаў і перамог. Аднак цікавасць да алімпійцаў (асабліва да чэмпіёнаў і прызёраў) не знікае і па сённяшні дзень. Людзі хочуць ведаць як мага больш не толькі пра спартыўную біяграфію сваіх куміраў, але і пра іх паўсядзённае жыццё, дзяцінства, сям’ю. І колькі станоўчых эмоцый з’яўляецца ў чалавека, калі ён даведваеца, што той, ці іншы вядомы спартсмен мае нейкае дачыненне да яго краю.

Ганцаўшчыне ў гэтым плане таксама пашанцавала. Жыццёвы лёс самай вядомай беларускай плыўчыхі, чэмпіёнкі свету па плаванню і ўладальніцы двух сярэбраных медалёў лонданскай Алімпіяды Аляксандры Герасіменя цесна звязаны Ганцавіцкім раёнам, а калі быць дакладным — з Будчай.

У гэтай маляўнічай вёсцы нарадзіўся і вырас яе бацька — Віктар Іванавіч Герасіменя.

Сюды Саша, разам са старэйшай сястрой Кацяй, у дзяцінстве не раз прыязджалі на летнія канікулы да сваёй бабулі Леаніды Нічыпараўны (цяпер яна жыве ў сваёй дачкі ў Іванаве). Тут яны гулялі з мясцовай дзятвой, хадзілі кампаніяй купацца на дзясятую сажалку рыбгаса — адно з любімых месцаў адпачынку будчакоў. Дарэчы, як успамінала ў адным з інтэрв’ю маці Сашы Герасіменя, Аксана, аднойчы будучая беларуская “залатая рыбка” (так з любоўю журналісты называюць Аляксандру) ледзь не ўтапілася, калі праз брод дабіралася да гэтай сажалкі. На думку маці, магчыма, што гэты выпадак у нейкай ступені падштурхнуў дачку да заняткаў плаваннем.

Можа гэта і так. Аднак, смела можна сцвярджаць, што не ў меншай (калі не ў большай) ступені на спартыўны выбар Аляксандры Герасіменя паўплываў і “спадчынны фактар”. Справа ў тым, што маці спартсменкі з’яўляецца майстрам спорту па лёгкай атлетыцы, а бацька — майстрам спорту міжнароднага класа па лёгкай атлетыцы. Між іншым, Віктар Герасіменя — першы выхадзец з Ганцаўшчыны, які атрымаў такое высокае спартыўнае званне. На жаль, пра слаўныя дасягненні Віктара Іванавіча ў нашым раёне ў асноўным ведаюць толькі спартыўныя спецыялісты і яго землякі з Будчы.

Паспяховае выступленне Аляксандры Герасіменя на Алімпійскіх гульнях у Лондане з’яўляецца добрай нагодай, каб расказаць пра спартыўны лёс яе бацькі. Тым больш, што ў свой час на Віктара Герасіменю раўняліся многія будчанскія юнакі, якія, па яго прыкладу, таксама выбралі для сябе спартыўную дарогу. Хочацца разлічваць, што гэты прыклад дасць натхненне і сённяшняму пакаленню юных спартсменаў Ганцаўшчыны.

Па словах Мікалая Міхайлавіча Савені, былога настаўніка фізкультуры Будчанскай сярэдняй школы, Віктар Герасіменя з дзяцінства любіў фізкульту%D