В Ганцевичском районе не унимаются велосипедные воры и пьяные водители

На мінулым тыдні (5 — 12 жніўня) у аператыўна-дзяжурную службу РАУС паступіла 64 паведамленні, якія маюць адносіны да праваахоўнай дзейнасці, узбуджаны чатыры крымінальныя справы, 1 асоба, якая здзейсніла злачынства не ўстаноўлена.

5, 10 і 11 жніўня раённы аддзел Следчага камітэта ўзбудзіў тры крымінальныя справы па ч. 1 арт. 225 Крымінальнага кодэкса Рэспублікі Беларусь па фактах крадзяжу веласіпедаў. У першым выпадку справа была ўзбуджана ў адносінах да непрацуючага 22-гадовага жыхара в. Агарэвічы Алега Рублеўскага, які сёлета ў ноч з 4 на 5 жніўня ад будынка ўрачэбнай амбулаторыі ўкраў веласіпед, веласіпедную сумачку і веласіпедны замок, якія належаць яго аднавяскоўцы Генуэфе Канапелка. У другім — супраць жыхара в. Мельнікі Сяргея Жытко, 1985 года нараджэння, які ў перыяд часу з 23 гадзін 9 жніўня да 0 гадзін 30 мінут 10 жніўня, з двара дома № 6 па вуліцы Матросава ў в. Лактышы ўкраў веласіпед, які належыць жыхарцы в. Нач Ларысе Мышкавец. І ў апошнім выпадку, крымінальная справа была ўзбуджана ў адносінах супраць невядомага злачынцы, які 3 жніўня на беразе абводнага канала ля вёскі Будча, украў належачы мясцоваму жыхару Васілю Савені дарожны веласіпед.

7 жніўня, РАСК узбудзіў крымінальную справу па ч. 1 арт. 317—1 Крымінальнага кодэкса Рэспублікі Беларусь у адносінах да 35-гадовага жыхара в. Хатынічы Віталія Канановіча, які 28 ліпеня быў паўторна, на працягу года, затрыманы супрацоўнікамі міліцыі за кіраванне ўласным аўтамабілем у стане алкагольнага ап’янення.

На мінулым тыдні ў РАУС зафіксавана 27 адміністрацыйных правапарушэнняў: 7 чалавек пакараны за дробнае хуліганства, 16 — за знаходжанне ў п’яным выглядзе і ўжыванне спіртных напіткаў у грамадскіх месцах, 3 — за невыкананне правілаў прэвентыўнага нагляду, 1 — за дробны крадзёж (жыхар Салігорска Дзяніс Духноўскі ўкраў з дома ЖБСК-33 у г. Ганцавічы, які будуецца, 12,6 метра квадратнага лінолеуму, чым прычыніў страты ЖБСК на суму 679 тысяч рублёў).

У рамках барацьбы з алкагалізацыяй насельніцтва на прымусовае лячэнне ў Крывошынскую псіханеўралагічную бальніцу накіравана 2 асобы, якія злоўжываць спіртнымі напіткамі. Акрамя гэтага, 5 жніўня ў жыхаркі в. Ліпск Таццяны Сайка супрацоўнікамі міліцыі канфіскавана па месцы жыхарства 9 літраў самагонкі, а 7 жніўня ў жыхаркі райцэнтра Таццяны Лынша праваахоўнікі выявілі і канфіскавалі самагонны апарат.

Святлафор ДАІ

За кіраванне транспартным сродкам у стане алкагольнага ап’янення затрыманы: Аляксандр Уладзіміравіч Наумік, 1986 года нараджэння, жыхар в. Хатынічы, які кіраваў уласнай аўтамашынай “Опель-Вектра”, Аляксандр Вячаслававіч Патыліцын, 1968 года нараджэння, індывідуальны прадпрымальнік, жыхар г. Ганцавічы, які кіраваў уласным аўтамабілем “Форд-Транзіт”, Аляксандр Віктаравіч Андрэйчук, 1957 года нараджэння, нідзе не працуючы жыхар г. Ганцавічы, які кіраваў уласным скутарам.