Віншаванне ад кіраўніцтва раёна з Днём Канстытуцыі Рэспублікі Беларусь

Паважаныя жыхары раёна!

Прыміце сардэчныя віншаванні з нагоды аднаго з асноўных дзяржаўных святаў Рэспублікі Беларусь – Днём Канстытуцыі!

За 25 год пройдзен складаны шлях у развіцці дзяржавы, які пацвердзіў эфектыўнасць і жыццяздольнасць першай у гісторыі краіны дэмакратычнай Канстытуцыі.

Канстытуцыя Рэспублікі Беларусь стала трывалым падмуркам развіцця дзяржавы, вышэйшай каштоўнасцю якога быў абвешчаны чалавек, яго правы і свабоды. Абапіраючыся на базавыя прынцыпы Асноўнага Закона, кіраўніцтва краіны, кожнай вобласці, горада і раёна праводзіць паслядоўны курс на ўмацаванне дзяржаўнасці і нацыянальнай бяспецы, мадэрнізацыю, павышэнне эканамічнага і інавацыйнага патэнцыялу краіны, забеспячэнне сацыяльнай абароны і росту дабрабыту.

25 год, па гістарычных мерках, – невялікі тэрмін, але мы маем права ганарыцца сваёй Канстытуцыяй, як адным з найважнейшых дасягненняў беларускай дэмакратыі. Пры гэтым кожны з нас павінен разумець, што Канстытуцыю трэба, па-першае, ведаць, а па-другое, выконваць і абараняць.

Упэўнены, што шырокая падрыхтоўка да юбілейнай даты Асноўнага закона паслужыць умацаванню нашай дзяржавы.

За 25 год ў краіне вырасла новае пакаленне маладых грамадзян, якія ўжо атрымалі права абіраць органы ўлады і быць абранымі. Падрастае наступнае пакаленне. І мы абавязаны з маленства даваць моладзі асновы прававой граматы.

Мы ўсе хочам бачыць Беларусь моцнай, свабоднай, паважанай дзяржавай. Каб забяспечыць незваротнасць пазітыўных працэсаў, мы павінны жыць па Канстытуцыі і памятаць, што не бывае правоў без абавязкаў.

Хай юбілейны Дзень Канстытуцыі надасць нам сіл і ўпэўненасці ва ўсіх справах на карысць Беларусі і малой радзімы!

Раённы выканаўчы камітэт.Раённы Савет дэпутатаў.